Tajpu per la X-metodo kaj la ĉapeloj aŭtomate aperos.
Ridejo

Alkoholo

En ĉi tiu kategorio estas 56 tekstaj ŝercoj.

Geedzoj televidas

Geedzoj sidas sur la sofo, li trinkas bieron, ili televidas.
Subite li diras: "Mi amas vin!"
Ŝi: "Ĉu tion diris vi, aŭ parolas el vi la biero?"
Li: "Ne, tion mi diris al la biero."
2.8889/5 (9 voĉoj)
La Alkoholo, Amo, Geedzeco

Ebria apelo

Matena apelo en kompanio, la kapitano ordonas:
-Viciĝu kaj tranombru!
-Unu!
-Du!
-Tseriii...
-Kio estas tio? Ĉu vi estas ebria?!
-Mmi hjeaŭ essis ŝe seerĝendo Kowwallskiii...

La postan matenon la kapitano denove apeligas:
-Viciĝu kaj tranombru!
-Unu!
-Dduhu..
-Ĉu nun ankaŭ vi? Kio okazis?
-Mmi hiiraŭ essis ĝe serĝnto Kowallskiii...
-Damne, mi iros al tiu serĝento Kowalski kaj lernigos al li!!!

-La trian matenon la kapitano ekparolas:
-Vissiĵu kaj ttrannombruuu!
3.4444/5 (9 voĉoj)
La Alkoholo, Viroj

Kantoklubo

Renkontiĝas du amikoj en drinkejo:
-Saluton, kio novas ĉe vi?
-Mi de kelkaj semajnoj estas en kantoklubo, estas malaĉe!
-Ĉu, do kion vi ekzakte faras tie?
-Ni ludas kartojn, dancas, kaj kompreneble multe drinkas!
-Kaj kiam vi kantas?
-Sur la vojo hejmen!
3.8571/5 (7 voĉoj)
La Alkoholo, Viroj

Ebriulo en taksio

Taksiisto demandas ebrian klienton: "Do, kien ni veturu, sinjoro?"
"Hejmen!"
"Ĉu vi povus ĝin iom precizigi?"
"En la dormoĉambron!"
4.6667/5 (3 voĉoj)
La Alkoholo, Ŝoforoj

Veturpetanta morto

Ebriulo kondukas aŭton el drinkejo kaj subite vidas veturpetantan morton.
Do li haltigas, malfermas fenestron kaj bonhumore demandas: "Do, kien, onklo?"
"Nur tien sub tiun monteton, en tiun akran kurbiĝon..."
4.7500/5 (4 voĉoj)
La Alkoholo, Ŝoforoj

Por ĉesi drinki neniam estas malfrue

Kuracisto parolas al maljunulo: Vi devas ĉesi drinki.
majlunulo: Sed mi estas jam maljuna.
kuracisto: Por ĉesi drinki neniam estas malfrue.
maljunulo: Do mi ankoraŭ havas tempon!

Fonto: Zvolensko

5.0000/5 (6 voĉoj)
La Alkoholo, Kuracistoj kaj pacientoj

Ŝerco 1589

Oni diras ke la vino plifortikigas - grumblas drinkulo.

- Mi trinkis jam de ĝi tri litrojn, kaj mi ne povas stari.

Fonto: Rido Sanigas

3.5000/5 (6 voĉoj)
La Alkoholo

Ŝerco 518

„Kia bruo estas en koridoro?“
„Najbaro falis de sur ŝtuparo, kiam li portis rumon.“
„Ĉu li disverŝis ĝin?“
„Ne, li havis fermitan buŝon.“

Fonto: Jozef Borský, 1111 anekdotoj en Esperanto

1.2500/5 (4 voĉoj)
La Alkoholo

Ŝerco 519

„Ĝis noktomezo ni eminente amuziĝis. Poste oni elĵetis nin.“

Fonto: Jozef Borský, 1111 anekdotoj en Esperanto

4.0000/5 (2 voĉoj)
La Alkoholo

Ŝerco 520

Edzino al la edzo: „Ĉesu kun la drinkado. Ĉu vi scias, kiel estas alkoholaĵo malutila?“
„Sed ĉiuj epidemioj estas ja de akvo.“

Fonto: Jozef Borský, 1111 anekdotoj en Esperanto

4.0000/5 (1 voĉo)
La Alkoholo