Tajpu per la X-metodo kaj la ĉapeloj aŭtomate aperos.
Ridejo

Alkoholo

En ĉi tiu kategorio estas 58 ŝercoj.

Ŝerco 492

„Por ne forgesi: mi bondeziras al vi feliĉan Novjaron.“
„Ĉu vi frenezas? Ja estas jam marto.“
„Kia malfeliĉo, tiel malfrue el la finjara festo mi ankoraŭ ne revenis.“

Fonto: Jozef Borský, 1111 anekdotoj en Esperanto

2.0000/5 (1 voĉo)
La Alkoholo

Ŝerco 493

Revenas du viroj el gastejo kaj unu volas malŝlosi pordon per cigaredo. Lia kunulo atentigis lin pri tio kaj la ebriigito ektimas: „Ĉu eble mi forfumis ŝlosilon?

Fonto: Jozef Borský, 1111 anekdotoj en Esperanto

3.3333/5 (3 voĉoj)
La Alkoholo

Ŝerco 494

Demandas ĉe pordo viro sinjorinon, kiu malfermis: „Ĉu estas via edzo hejme?“
„Jes.“
„Li redonu al mi la 100 kronojn, kiujn al mi li ŝuldas.“
„Ho, ĉu li sidus hejme, se li havus en poŝo 100 kronojn?“

Fonto: Jozef Borský, 1111 anekdotoj en Esperanto

4.0000/5 (2 voĉoj)
La Alkoholo

Ŝerco 495

Najbarino: „Mi petas, ĉu vi povas akvumi niajn florojn dum nia libertempo?“
„Mi ne, sed mi diros tion al mia edzo.“
„Kaj ĉu li volontos?“
„Ho, li scias tre bone, kio estas soifo!“

Fonto: Jozef Borský, 1111 anekdotoj en Esperanto

3.0000/5 (1 voĉo)
La Alkoholo

Ŝerco 496

Inter amikinoj: „Hieraŭ revenis mia edzo hejmen ebria kaj mi tiris lin je la haroj.“
„Tion mi ne povus fari al mia edzo.“
„Kial, ĉu vi timas lin?“
„Ne, li estas kalva.“

Fonto: Jozef Borský, 1111 anekdotoj en Esperanto

3.0000/5 (1 voĉo)
La Alkoholo

Ŝerco 497

„Kiel vi fartis dum dimanĉa ekskurso?“
„Malbone. Kiam ni eliris el stacidomo, ni ne povis trovi gastejon, kaj kiam ni eliris el la gastejo, ni ne povis trovi la stacidomon.“

Fonto: Jozef Borský, 1111 anekdotoj en Esperanto

4.0000/5 (2 voĉoj)
La Alkoholo

Drinkemulo

4.0000/5 (1 voĉo)
La Alkoholo

Istud vinum, bonum vinum, vinum generosum!

4.8750/5 (8 voĉoj)
La Alkoholo

Ŝerco 212

La pastro promenis tra la strato kiam li renkontis ebriulon kiu provis trapiki formikon per pikilo. Sed li neniam sukcesas trafi ĝin kaj respondas:
- Nu! Mi maltrafis!
La pastro petis ke li ĉesu fari tian hontindan agon. Tamen, li ne obeas kaj daŭre elparolas:
- Nu! Mi maltrafis!
Tiam, la pastro koleriĝis kaj diris:
- Mi esperas ke Dio lanĉos punon sur vin!
Tiam, el la ĉielo aperis fulmo kiu trafis kaj mortigis la pastron. Sekve, iu voĉo veninta el la ĉielo elparolis:
- NU! MI MALTRAFIS!
4.2000/5 (5 voĉoj)
La Alkoholo, Religio

Duŝo

Mateno. Edzo kun postebrio kaj ofendita edzino sidas komune ĉe tablo. Morna silento. Finfine edzino krias:
- Hieraŭ vi revenis tute ebria!
- Mi? Mi ne estis tiom ebria.
- Ne? Do kiu hieraŭ petis sur genuoj duŝon en banĉambro por ke ĝi ĉesu plori?
4.0000/5 (6 voĉoj)
La Alkoholo, Virinoj, Viroj