Tajpu per la X-metodo kaj la ĉapeloj aŭtomate aperos.

Amo

En ĉi tiu kategorio estas 72 tekstaj ŝercoj.

Bonan vojaĝon!

- Amanda, pro vi mi irus al la fino de la mondo!
* Do bonan vojaĝon!

Familia tradicio

Patro demandas sian filon: Joĉjo, ĉu vi amrilatas kun Anabela?
Joĉjo: Nu jes, mi amrilatas. Ĉu io okazas?
patro: Nu ne. Mi nur volis diri, ke kiam mi estis en via aĝo, ankaŭ mi amrilatis kun ŝi.

Ŝerco 575

Adiaŭas vespere amanto la amatinon: „Transdonu saluton al via edzo kaj nia infano.“

Fonto: Jozef Borský, 1111 anekdotoj en Esperanto

Ŝerco 576

„Ĉu mi estas la unua viro, kiun vi amis?“
„Ĉu vi scias, ke povas esti tiel? Vi ŝajnis al mi iel konata!“

Fonto: Jozef Borský, 1111 anekdotoj en Esperanto

Ŝerco 577

Ŝi: „Ĉu vi memoras? Antaŭ dek jaroj ni konatiĝis – tiam estis forta fulmotondro.“
Li: „Tiam mi ne komprenis, ke la naturo avertas min.“

Fonto: Jozef Borský, 1111 anekdotoj en Esperanto

Ŝerco 578

„Karulo, kiam vi povos veni al ni tagmanĝi?“
„Atendu – lunde mi tagmanĝos ĉe kolego, marde mi sentos min malbone. Merkrede mi tagmanĝos ĉe estro, ĵaŭde mi sentos min malbone. Ĉu taŭgas por vi vendredo?“

Fonto: Jozef Borský, 1111 anekdotoj en Esperanto

Ŝerco 579

Inter amikinoj: „Tiu mia nova amanto estas netolereble ĵaluzema.“
„Kiel tio montriĝas?“
„Kiam ni estas kune, li parolas nur pri tio, ke li dezirus scii, kion faras lia edzino.“

Fonto: Jozef Borský, 1111 anekdotoj en Esperanto

Ŝerco 580

„Ĉu vi rifuzas min, fraŭlino? Min, kiu estis idealo de virinoj?“
„En kiu jarcento?“

Fonto: Jozef Borský, 1111 anekdotoj en Esperanto

Ŝerco 581

Ŝi: „Ĉu vi irus kun mi ĝis fino de la mondo?“
Li: „Memkompreneble, karulino. Sed je la sepa mi devas esti hejme.“

Fonto: Jozef Borský, 1111 anekdotoj en Esperanto

Ŝerco 582

„Peĉjo, ĉu vi amas min?“
„Jes, karulino, ege.“
„Ĉu vi pro mi oferus vian vivon?“
„Ho, ne, kiu poste amus vin?“

Fonto: Jozef Borský, 1111 anekdotoj en Esperanto