Tajpu per la X-metodo kaj la ĉapeloj aŭtomate aperos.
Ridejo

Bestoj

En ĉi tiu kategorio estas 83 ŝercoj.

La bona rano

Virino venas en bestovendejon, serĉante donacon por sia edzo. La vendisto proponas al ŝi sufiĉe grandan ranon.
Ŝi demandas: "Kion mia edzo faru kun malbela rano?"
La vendisto respondas: "Sincere, tio estas speciala rana specio. Ili povas midzi tiel, ke ĉiu viro pro plezuro preskaŭ freneziĝas."
Ĉar la virino mem ne ŝatas midzi, ŝi opinias tion bona donaco kaj aĉetas la ranon. Unu semajnon post la naskiĝtagdatreveno de la edzo, ŝi vekiĝas nokte pro bruo en la kuirejo. Ŝi atente iras tien kaj trovas en la kuirejo sian edzon, kiu rigardas kun la rano sur la mano kuirlibron.
"Kion vi faras ĉi tie meze de la nokto", ŝi demandas.
La viro respondas "Ne ĝenu nin. Se Ranjo lernos kuiri, vi povos paki viajn aĵojn kaj forfikiĝi!"
4.0000/5 (2 voĉoj)
La Bestoj, Nigra humuro, Sekso, Stultaj ŝercoj, Virinoj, Viroj

Rekviemo por hundo

Ulo venas en preĝejon kaj diras al la paroĥestro: "Mi ŝatus rekviemon por mia hundo."
"Tio ne eblas. Provu tion ĉe iu sekto."
"Ĉu vi pensas, ke tie sufiĉos 500 EUR?"
"Dio mia, vi tuj povis diri, ke la hundeto estis katoliko!"
3.3636/5 (11 voĉoj)
La Bestoj, Religio

Mamuloj

Instruistino demandas infanojn: "Ĉu vi konas ian mamulon, kiu ne havas dentojn?"
Joĉjo respondas: "Mian avon."
2.0000/5 (9 voĉoj)
La Bestoj, Lernejo

Enigmo pri guloj

Kial guloj ne povas multiĝi?
.
.
.
Ĉar viroj de guloj estas virguloj…
2.3125/5 (16 voĉoj)
La Bestoj, Esperantaj vortoj

Sanproblemoj de bestoj

Renkontiĝas du hundoj:
"Kien vi iras?"
"Al kuracisto kun puloj."
"Strange. Mi havas pulojn kelkajn jarojn kaj ili neniam estis malsanaj."
2.7500/5 (12 voĉoj)
La Bestoj, Kuracistoj kaj pacientoj

Fabelo pri Ruĝkufulineto

"Ho, avinjo, vi havas tiel grandajn okulojn! Kaj tiel grandajn orelojn! Kaj tiel grandajn dentojn!"
"Bone. Kaj nun rigardu sub la litkovrilon."
2.8636/5 (22 voĉoj)
La Bestoj, Infanoj, Sekso

Rekrutekzamenado

Leporo, vulpo kaj urso ricevas leterojn vokantajn ilin al rekrutekzamenado por la arbara armeo.
Ĉar ili entute ne volas militservi, ili survoje al la armea oficejo cerbumas, kiel eskapi rekrutadon.
Fine la vulpo havas ideon: "Leporo sen oreloj, vulpo sen vosto kaj urso sen dentoj kaj ungegoj estas senvaloraj. Tiel ni ja suferos, sed almenaŭ ne devos iri al la milito!"
Do ili reciproke forŝiras la orelojn de la leporo, la voston de la vulpo kaj elbatas ĉiujn dentojn kaj ungegojn de la urso.
Laŭvice ili eniras la oficejon. Eliras la leporo jubilante "Hu ra, ili ne volas senorelan leporon!"; poste la vulpo eliras ĝoje "Jeees, senvosta vulpo ne taŭgas por ili!"; fine la urso elvenas plorante "Buhu, »tro granda kaj tro peza«..."
3.0000/5 (3 voĉoj)
La Bestoj, Nigra humuro

Urso havas liston

En arbaro disvastiĝis novaĵo, ke la urso havas liston da bestoj, kiujn ĝi volas manĝegi.

Kuniklo vizitis la urson kaj demandis: "Urso, ĉu vere vi havas liston da bestoj, kiujn vi volas manĝegi?"
"Jes."
"Kaj ĉu mi estas tie?"
"Jes, venu morgaŭ kaj mi manĝegos vin."
Kaj tiel okazis.

Sekvan tagon melo vizitis la urson kaj demandis: "Urso, ĉu vere vi havas liston da bestoj, kiujn vi volas manĝegi?"
"Jes."
"Kaj ĉu mi estas tie?"
"Jes, venu morgaŭ kaj mi manĝegos vin."
Kaj tiel okazis.

Sekvan tagon vulpo vizitis la urson kaj demandis: "Urso, ĉu mi ankaŭ estas en tiu listo?"
"Jes."
"Kaj ĉu vi povus trastreki min?"
"Ho, jes, kompreneble."
4.6667/5 (3 voĉoj)
La Bestoj

Avida urso

Vir-urso vekiĝas el sia vintrodormo kaj serĉas ion, kion li povus fiki.
Li trovas erinacon kaj kaptas ĝin.
Ĝi buliĝas kaj la urso krias: "Kie vi havas piĉon!?"
"Mi ne havas piĉon."
"Per kio vi tion diris!?"
3.6667/5 (3 voĉoj)
La Bestoj, Sekso

Princino scias

Eta princino trovas ranon kaj la rano diras per homa lingvo: "Se vi kisos min, mi turniĝos en belan princon."
La princino iom pripensas kaj diras: "Mi ne kisos vin. Mi volas parolantan ranon!"
5.0000/5 (3 voĉoj)
La Bestoj, Infanoj