Tajpu per la X-metodo kaj la ĉapeloj aŭtomate aperos.
Ridejo

Infanoj

En ĉi tiu kategorio estas 175 ŝercoj.

Danĝera varo

Juna sinjorino, ĵusa patrino, iris en magazenon kaj sin turnis al flegma komizo:
"Mi deziras aĉeti tolon por fari littukojn al mia bebo."
"Bone", opiniis la komizo, "ni havas tre varian sortimenton. Kiom vi volas elspezi?"
"Nu, kiel eble plej malmulte. Vi scias, kiaj estas beboj. La mia estas terura. Apenaŭ mi metis puran vindaĵon, jam li malsekigis ĝin. Kaj dum la tuta tago. Ekzistas certe malmultekosta, tiacela tolo."
"Jes, sinjorino, tiacela tolo ekzistas, sed - ĉu vi havas la necesan permeson por aĉeti armilon?"
"Kion vi diras? Mi ja tute ne intencas aĉeti armilon!"
"Permesu! Armilo aŭ ne armilo, se mi ĝuste komprenas, vi deziras aĉeti pistolon!"

Fonto: SCHWARTZ, Raymond ; ... Kun siaspeca spico!

Neniu noto (neniu voĉo)
La Esperantaj vortoj, Infanoj

Pendigante pentraĵon

Sesjara Sandor kuras ploregante al sia patrino.
„Pendigante pentraĵon Paĉjo batis al si la dikan fingron!”
„Plej verŝajne tio ne estis tiom malbona” sonis la konsolanta respondo de la patrino. Granda knabo ne bezonas plori pro tia bagatelo. Pli bone estas ridi!”
„Jes, ĝuste tion mi faris”, singultis la sesjara knabo.

Fonto: Esperantista Vegetarano, n-ro 2, 2010. Verkis Bob FELBY

Neniu noto (neniu voĉo)
La Infanoj, Patrinoj

Avo kaj nepino

En la sino de avoĉjo sidadas nepineto kaj rigardadas la faltojn de la maljunulo:
– Kio estas tiuj aĵoj sur via vizaĝo, avĉjo?
– Faltoj.
– Kaj ĉu ilin donis Dio al vi?
– Jes, li kreis min jam antaŭlonge.
La knabineto palpadas sian propran vizaĝon:
– Ĉu ankaŭ min kreis Dio?
– Jes, sed vin antaŭ nelonge.
– Laŭ tio Dio estas nun jam multe pli lerta, ĉu?

Fonto: Esperantista Vegetarano, n-ro 1, 2011. Esperantigis: Imre SZABÓ

Neniu noto (neniu voĉo)
La Infanoj, Religio

Ĉu manĝi aŭ ne manĝi?

Panjo disputas kun la filineto, kiu ne volas manĝi la okzalaĵon:
– Kion vi pensas, filineto – kio okazas al tiuj, kiuj ne manĝas la manĝaĵon?
– Ili restos sveltaj, kaj ili iĝos famaj modeloj, kaj ili perlaboros sakojn da mono!

Fonto: Esperantista Vegetarano, n-ro 1, 2011. Esperantigis: Imre SZABÓ

Neniu noto (neniu voĉo)
La Blondulinoj, Infanoj

Sendoloriga dentkuracisto

Malgranda knabo post vizito al sendoloriga dentkuracisto raportis al siaj kamaradoj:
„Estas nur mensogo, ke li estas sendolora. Li enmetis siajn fingrojn en mian buŝon, kaj kiam mi mordis lin, li kriegis same kiel ĉiuj aliaj!”

Fonto: Esperantista Vegetarano, 2007. Verkis Bob FELBY

3.0000/5 (1 voĉo)
La Infanoj, Kuracistoj kaj pacientoj

Bakitaj pomoj

Filo: Paĉjo, ĉu vi ŝatas bakitajn pomojn?
Patro: Jes. Kial vi demandas?
Filo: Okazas fajrego en la fruktoarbaro.

Fonto: Esperantista Vegetarano, n-ro 1, 2018. Esperantigis Luiza CAROL

3.5000/5 (2 voĉoj)
La Infanoj

Manĝu ĉiutage pomon, kuracistoj evitos vian domon

Filo: Paĉjo, ĉu veras la proverbo „Manĝu ĉiutage pomon: kuracistoj evitos vian domon”?
Patro: Jes, ĝi veras.
Filo: Do, mi manĝu pomon kiel eble pli rapide. Mi ĵus frakasis la fenestron de la kuracisto...

Fonto: Esperantista Vegetarano, n-ro 1, 2018. Esperantigis Luiza CAROL

4.0000/5 (2 voĉoj)
La Infanoj

Stranga kaj mistera mondo

Fonto: Facebook

5.0000/5 (4 voĉoj)
La Infanoj, Komputiloj, Nigra humuro

Trinaskitoj

Du amikoj, kiuj delonge ne vidis unu la alian, renkontiĝas en parko :
– Saluton Pepĉjo! Mi ne sciis ke vi havas trinaskitojn...
– Ne, tio ne estas trinaskitoj, tio estas nur unu, sed tre nervoza.

Fonto: feti-chistes.es

4.5000/5 (2 voĉoj)
La Infanoj

Haloveno

Fonto: Facebook

5.0000/5 (6 voĉoj)
La Infanoj, Nigra humuro