Tajpu per la X-metodo kaj la ĉapeloj aŭtomate aperos.
Ridejo

Nigra humuro

En ĉi tiu kategorio estas 113 tekstaj ŝercoj.

Ŝerco 1888

Kio estas la plej amata nacio de Donald Trump?
Diskriminacio.
5.0000/5 (4 voĉoj)
La Esperantaj vortoj, Nigra humuro, Politiko

Estonta matematikisto

La instruisto demandas al Toĉjo: - Do, Toĉjo, imagu, ke vi havas dek bombonojn, kaj ke Francisko ŝtelas kvar bombonojn al vi. Kiom da bombonoj vi plu havus?
- dek bombonojn kaj unu kadavron.

Fonto: "Agenda pour les nuls, 2020-2021", eldonado Quo Vadis (origine verkita en la franca)

5.0000/5 (3 voĉoj)
La Infanoj, Lernejo, Nigra humuro

Estonta matematikisto

La instruisto demandas al Toĉjo: - Do, Toĉjo, imagu, ke vi havas dek bombonojn, kaj ke Francisko ŝtelas kvar bombonojn al vi. Kiom da bombonoj vi plu havus?
- dek bombonojn kaj unu kadavron.

Fonto: "Agenda pour les nuls, 2020-2021", eldonado Quo Vadis (origine verkita en la franca)

5.0000/5 (1 voĉo)
La Infanoj, Lernejo, Nigra humuro

Kondutleciono

Juna patrino kaj ŝia infano eniris la buson. Ŝi sidiĝis sur la sidlokon, popole nomata kvaropo. Ĉar estis nur unu libera loko, la patrino tenis sian infanon sur siaj genuoj. Dum la buso moviĝis, la infano sidanta sur la genuoj de la patrino konstante turniĝadis skuante. Tio igis lin piedbati la pantalon de la kontraŭsidanta sinjoro. Ĉiufoje, kiam li purigis sian pantalonon per la mano, li atendis de la junulino almenaŭ vortan pardonpeton. Sed nenio, nek unu vorto venis. Kiam tio ripetiĝis jam la trian fojon kaj la juna patrino absolute ne reagis, la viro en hela vesto alparolis ŝin per la frazo: „Vi povus almenaŭ iomete moderigi vian infanon, mi alportis tiun ĉi vestaĵon hieraŭ el la purigejo kaj nun mi estas konstante piedbatata.“
La ricevita respondo konsternis ne nur lin, sed ankaŭ ĉiujn apudsidantajn pasaĝerojn. „Kaj ĉu vi opinias, ke mi limigados mian infanon jam de nun?“
Post tiu frazo la viro en la hela vesto ekstaris kaj daŭrigis sian vojon starante. La buso haltis ĉe la sekva halto, kaj la juna universitata studento preparis sin por elbusiĝi. Sed antaŭ ol li eliris, li elprenis la maĉgumon el sia buŝo kaj gluis ĝin sur la frunton de la junulino.
Sekve venis ŝia reago: „Kion vi permesas al vi?!!!“
Kaj la juna studento respondis tute trankvila: „Mi ankaŭ ne estis limigata en mia junaĝo.“

Fonto

4.0000/5 (3 voĉoj)
La Nigra humuro

Ŝerco 1841

Tre memfida junulo promenanta laŭ la plaĝo komencas klarigi al la maljunulo, ripozanta sur la ŝtuparo, kial la pli aĝa generacio ne kapablas kompreni tiun junan: „Vi kreskis en alia mondo, ĝenerale dirite, en tre primitiva mondo“, diris la junulo al li sufiĉe laŭte, por ke ĉiuj ĉirkaŭ aŭdu lin bone. „Junuloj de hodiaŭ elkreskis kun televido, jetoj, spacvojaĝo, viro iranta sur la Luno. Ni havas atoman energion, ŝipojn, poŝtelefonojn, lumrapidajn komputilojn... kaj multe pli!“
Post silenta momento la maljunulo respondis: „Vi pravas, filo! Ni ne havis ĉi tiujn aĵojn kiam ni estis junaj ... do ni inventis ilin. Nu, kaj nun, vi juna arogantulo, diru al mi, kion vi faras por la sekva generacio?“

Fonto

3.5000/5 (2 voĉoj)
La Nigra humuro

Esperanto-instruisto

“Jen ĉi tie en la ĵurnalo estas skribite, ke virbovo kornobatis Esperanto-instruiston”.
“Tre strange, kiel ĝi povus scii, ke li estas Esperanto-instruisto?”

Fonto: Esperantista Vegetarano, 2008. Verkis: Bob FELBY

4.6667/5 (3 voĉoj)
La Bestoj, Lernejo, Nigra humuro

Leporeto kaj Porkideto

La porkideto renkontas la kuraĝan leporeton.
– Saluton, kuraĝa leporo! Ĉu vi vere ne timas la vulpon?
– Vere ne.
– Ĉu mi povas iri kun vi? Mi aŭdis, ke ĝi ĉasadas ĝuste ĉi-regione, kaj mi timas terure.
– Sekvu min!
– Vi, kuraĝa leporo, mi sentas, ke la vulpo estas proksime. Ĉu tutcerte vi ne timas?
– Tutcerte.
– Mi jam eĉ vidas ĝin tie, jen ĝiaj dentoj! Kial ĝi ne formanĝas vin?
– Kelktage mi portas al ĝi porkidon.

Fonto: Esperantista Vegetarano, n-ro 1, 2012. Verkis Imre SZABÓ

4.0000/5 (1 voĉo)
La Bestoj, Fiŝkaptistoj kaj ĉasistoj, Nigra humuro

Ĉe la entombigo

Tri kristanoj vojaĝas per aŭtomobilo, ili karambolas, ili ĉiuj tri mortas.
En la ĉielo Sankta Petro akceptas ilin demandante:
– Antaŭ ol ni decidos pri via sorto, diru, kion vi deziras, ke la homoj diru pri vi ĉe la entombigo?
– Mi deziras, ke la homoj diru: li estis bona edzo, bona patro, bona kuracisto – tiel respondas la unua viro.
– Mi volas, ke ili diru: li estis bona edzo, bona patro, bona instruisto -- tiel la dua.
Respondas la tria:
– Kaj al mi tre plaĉus, se ili dirus: „Vidu, li moviĝis!”

Fonto: Esperantista Vegetarano, n-ro 1, 2013. Verkis Imre SZABÓ

4.6667/5 (3 voĉoj)
La Nigra humuro

Hotelo en Sovetunio

En Sovetunio vojaĝanto malfrue vespere venas en hotelon kaj petas ĉambron. Bedaŭrinde restis nur unu lasta loko en kvinpersona ĉambro. La vojaĝanto pro manko de alternativoj kaj laceco akceptas tion.
Sed liaj kvar kunloĝantoj daŭre maldormas, ludante kartojn, rakontante ŝercojn kaj laŭte klaĉante.
La vojaĝanto do iras al la akceptejo kaj mendas kvin teojn por sia ĉambro.
Reveninte tien, li diras la la kunloĝantoj: "Ĉu vi frenezas tiel petoli, la Sekreta Polico ja verŝajne subaŭskultas nin!"
Ili respondas: "Nin? Kial? Kiel vi scias?"
Li respondas: "Nu, ni faru teston." kaj laŭte vokas: "Kapitano, bv. sendi teon por ni!"
Post kelkaj minutoj servisto frapas ĉe la pordo kaj alportas la teon pli frue menditan. La kvar kunloĝantoj ektimas kaj tuj ĉesas ludi kaj iras dormi. Same povas finfine dormi la vojaĝanto.
Kiam li matene vekiĝas, la ĉambro estas malplena. Li demandas ĉe la akceptejo: "Kio okazis al la kvar aliaj?" - "La Sekreta Polico arestis ilin dum la frua mateno." - "Kaj kial oni ne arestis min?!" - "Al la kapitano plaĉis via ŝerco kun la teo!"
5.0000/5 (4 voĉoj)
La Nigra humuro, Politiko

Pilotoj

Aviadilo, jam kun malfruo, atendas ĉe la flughaveno. Alvenas finfine la pilotoj: Unu havas bastonon blankan de blinduloj, la alian kondukas blindula hundo.
Je la granda malkvietiĝo de la pasaĝeroj ili palpante eniras la pilotejon kaj startigas la reaktorojn.
Sur la dromeo ili rapidigas la jeton; restas 500 metroj ĝis la fino de la dromeo, 400, 300, 200... Ĉe 100-metra distanco la pasaĝeroj ne eltenas kaj laŭte ekkrias. Ĝuste tiam la aviadilo leviĝas en la ĉielon kaj kviete flugas.
Tuj post tio oni aŭdas el la pilotejo: "Kolego, se ili iam ne krios, ni kraŝigos tiun jetaĉon!"
4.5000/5 (2 voĉoj)
La Nigra humuro