Tajpu per la X-metodo kaj la ĉapeloj aŭtomate aperos.
Ridejo

Stultaj ŝercoj

En ĉi tiu kategorio estas 63 tekstaj ŝercoj.

Nova vendejego

Proksime de ni ekfunkciis nova vendejego, kie zorgas aŭtomata asperga sistemo pri tio, ke la varoj restu freŝaj. Antaŭ ol la asperg-sistemo ekas, aŭdeblas tondrado, poste flareblas odoro de pluvo. Proksimiĝante al la laktaĵoj oni aŭdas bovinmuĝadon, kaj venas odoro de freŝa fojno. Irante al la breto kun ovoj ni aŭdas klukadon de kokinoj, kaj disvastiĝas odoro de ovaĵo kun fromaĝo. Super la legomsekcio ŝvebas odoro de krevmaizo...
Neniam plu mi aĉetos tie necesejpaperon.

Fonto: Esperantista Vegetarano, n-ro 1, 2011. Esperantigis: Imre SZABÓ

Neniu noto (neniu voĉo)
La Stultaj ŝercoj

Danĝera trafiko

– Mi petas vin, kara juna sinjoro, bonvolu min akompani al la alia flanko. La trafiko estas danĝere vigla, mi estas maljuna, malbone mi vidas.
– Volonte mi helpos. Certe vi loĝas tie.
– Ne, ne tie. Mi venis en la urbon per motorciklo, kaj mi lasis ĝin tie.

Fonto: Esperantista Vegetarano, n-ro 1, 2011. Esperantigis: László HUSZÁR

Neniu noto (neniu voĉo)
La Stultaj ŝercoj, Ŝoforoj

Kraboj, diplomatoj kaj virinoj

Pri kraboj, diplomatoj kaj virinoj oni neniam scias, ĉu ili alvenas, foriras aŭ kien ili iras.

Fonto: Esperantista Vegetarano, n-ro 1, 2012. Verkis Lilia FABRETTO

Neniu noto (neniu voĉo)
La Bestoj, Lordoj, Stultaj ŝercoj, Virinoj

Maldekstramanulo

Li estas amiko kaj ni ne diros, ke li estas monavida. Ni diru, ke li estas maldekstramana kaj li tenas la monon en sia dekstra poŝo.

Fonto: Esperantista Vegetarano, n-ro 1, 2012. Verkis Lilia FABRETTO

Neniu noto (neniu voĉo)
La Stultaj ŝercoj

Ĝentileco en buso

Iun matenon la buso estis eksterordinare plena, eĉ plenplena. Subite unu el la pasaĝeroj, kiu sidis ĉe la fenestro, kovris sian vizaĝon per la manoj.
“Kio okazas?” – demandis tiu, kiu sidis apud li. “ Ĉu vi malsanas?”
“Ne, certe ne” – respondis la viro ĉe la fenestro. “Sed ne plaĉas al mi vidi maljunulinojn starantajn!”

Fonto: Esperantista Vegetarano, 2008. Verkis: Bob FELBY

Neniu noto (neniu voĉo)
La Stultaj ŝercoj

Pianoseĝo

Iu viro eniris vendejon kaj aĉetis pianoseĝon. Kelkajn tagojn poste li, portante la seĝon, revenis dirante: “Mi turnis tiun seĝon sennombrajn fojojn, sed eĉ ne unu sono elvenas el ĝi!”

Fonto: Esperantista Vegetarano, 2008. Verkis: Bob FELBY

Neniu noto (neniu voĉo)
La Dungitoj kaj vendistoj, Stultaj ŝercoj

Ĉe doganejo

„Ĉu avo malbonhumoriĝis, kiam la doganistoj senvestigis lin serĉante drogojn en la doganejo?”
„Tute ne, ili trovis liajn okulvitrojn, kiuj mankis al li dum semajnoj!”

Fonto: Esperantista Vegetarano, 2007. Verkis Bob FELBY

4.0000/5 (1 voĉo)
La Stultaj ŝercoj

Tortoj

A: Kiaspeca torto estas tiu ĉi?
B: Mi ne scias. Je kio ĝi gustas?
A: Ĝi gustas je gluo.
B: Do, ĝi estas pomtorto. Tiu kiu gustas je sapo estas la pruntorto.

Fonto: Esperantista Vegetarano, n-ro 1, 2018. Esperantigis Luiza CAROL

3.0000/5 (1 voĉo)
La Stultaj ŝercoj

La bona rano

Virino venas en bestovendejon, serĉante donacon por sia edzo. La vendisto proponas al ŝi sufiĉe grandan ranon.
Ŝi demandas: "Kion mia edzo faru kun malbela rano?"
La vendisto respondas: "Sincere, tio estas speciala rana specio. Ili povas midzi tiel, ke ĉiu viro pro plezuro preskaŭ freneziĝas."
Ĉar la virino mem ne ŝatas midzi, ŝi opinias tion bona donaco kaj aĉetas la ranon. Unu semajnon post la naskiĝtagdatreveno de la edzo, ŝi vekiĝas nokte pro bruo en la kuirejo. Ŝi atente iras tien kaj trovas en la kuirejo sian edzon, kiu rigardas kun la rano sur la mano kuirlibron.
"Kion vi faras ĉi tie meze de la nokto", ŝi demandas.
La viro respondas "Ne ĝenu nin. Se Ranjo lernos kuiri, vi povos paki viajn aĵojn kaj forfikiĝi!"
4.0000/5 (4 voĉoj)
La Bestoj, Nigra humuro, Sekso, Stultaj ŝercoj, Virinoj, Viroj

Du gastoj en drinkejo

Gasto en drinkejo demandas gaston apude sidantan:
-Ĉu vin ĝenos, se mi fumos?
-Ne, laŭ mi vi povas eĉ bruli!
2.6000/5 (15 voĉoj)
La Stultaj ŝercoj