Ŝoforoj | Ridejo

Ŝtelita aŭto

Policisto, oni ŝtelis mian aŭton. Kion mi faru?
- Aĉetu novan...

Pastro kaj aŭtobusa ŝoforo mortintaj pli-malpli samtempe staras antaŭ la ĉiela pordo kaj petas eniron. Dio ordonas: La ŝoforo eniru, la pastro iru unue en la purgatorion.
-Kial tio? demandas la pastro.
-Kiam vi predikis, ĉiuj dormis, sed kiam li ŝoforis, ĉiuj preĝis! respondas Dio.

Ebriulo en taksio

Taksiisto demandas ebrian klienton: "Do, kien ni veturu, sinjoro?"
"Hejmen!"
"Ĉu vi povus ĝin iom precizigi?"
"En la dormoĉambron!"

Veturpetanta morto

Ebriulo kondukas aŭton el drinkejo kaj subite vidas veturpetantan morton.
Do li haltigas, malfermas fenestron kaj bonhumore demandas: "Do, kien, onklo?"
"Nur tien sub tiun monteton, en tiun akran kurbiĝon..."

Blondulino kaj policano

Policano haltigas blondan kondukantinon kaj petas ŝian kondukpermesilon.
Ŝi demandas: "Kio estas tiu kondukpermesilo?"
"Ĝi estas la dokumento, en kiu vi havas vian foton."
La blondulino serĉas en la mansako kaj trovas speguleton. Ŝi rigardas sin en ĝi kaj pensas, ke ĝi povus esti tio.
Do ŝi donas ĝin al li, li rigardas sin en ĝi kaj indulge diras: "Vi tuj povus diri, ke vi ankaŭ apartenas al polico."

Sperta stiranto

Kunveturantino nokte klarigas al ĵus enaŭtiĝinta petveturanto:
-Ne timu pro la nokto kaj malfacila vojo, mia edzo estas tre sperta stiranto, li povus senprobleme veturi sur ĉi tiu vojo eĉ dormante. Ĉu ne, Karlo? - Karlo? - KARLOOO!!!

Paca morto

Mi volas morti kiel mia onklo: Pace, dormante.
Ja ne panike kriante, kiel liaj tri kunveturantoj!

Ŝerco 1281

Policisto al novŝoforino: „Tiel frakasi veturilon! Kion vi faris?“
„Mi deziris deflankiĝi en flankan straton.“
„Kaj ĉu estis tie iu baro?“
„Ne, tie estis neniu flanka strato.“

Fonto: Jozef Borský, 1111 anekdotoj en Esperanto

Ŝerco 1282

Sinjoro N. pruntis al sia edzino aŭton. Kiam ŝi longe ne revenis, li iris serĉi ŝin. Dumvoje li demandas najbaron. „Ĉu vi vidis mian edzinon?“
„Jes, apud la arbaro ŝi kolektas iun ferrubon.“

Fonto: Jozef Borský, 1111 anekdotoj en Esperanto

Ŝerco 1283

Diras viro en laborejo: „Hodiaŭ mia edzino savis vivojn al kelkaj piedirantoj.“
„Kiel tio eblas?“
„Ŝi frakasis aŭton jam en la garaĝo.“

Fonto: Jozef Borský, 1111 anekdotoj en Esperanto