Tajpu per la X-metodo kaj la ĉapeloj aŭtomate aperos.
Ridejo

Vojaĝoj kaj turismo

En ĉi tiu kategorio estas 40 tekstaj ŝercoj.

Kompatinda kamelo

Ulo rajdas kamelon en dezerto kaj sentas sin varmege.
Poste li renkontas bicikliston kaj demandas: "Ĉu vi ankaŭ sentas vin tiom varmege?"
"Ne, mi biciklas rapide kaj la fluanta aero malvarmigas min."
Ili adiaŭas kaj la ulo rajdas la kamelon 250 km/h kaj vere ne plu sentas sin varmege.
Subite la kamelo haltas kaj neniel moviĝas. La ulo desaltas, ĉirkaŭiras ĝin kaj diras: "Tiu kompatindulo frostiĝis!"

Fonto: Petr Diblík

4.0000/5 (3 voĉoj)
La Bestoj, Vojaĝoj kaj turismo

En la kaĉo

Sola piloto en malgranda aeroplano flugas super la senfina ĝangalo.
Subite la motoro knaras, knaregas kaj misfunkcias plene. La aeroplano kraŝas, sed la piloto sukcesis ĝin tiel longe ekvilibrigi, ke li povas eliri el la vrako nevundite.
Tamen, jam kelkajn minutojn poste, kiam li eniras en malgrandan senarbejon, subite ĉirkaŭas lin sovaĝuloj armitaj. Laŭ la aspekto estas verŝajne kanibaloj.
-"Ho ve", li mizermienas, "nun mi sidas en la kaĉo!"
-NE, VI ANKORAŬ NE SIDAS, subite vokas mistera voĉo en lia kapo.
-"Ĉu ne? Kion mi faru?!"
-IRU AL LA TRIBESTRO, PRENU LIAN LANCON, KAJ MORTIGU LIN!
La viro tuj kuras al la tribestro, forŝiras ties lancon kaj traboras lin per multaj puŝoj. - Malviva!
-"Kaj nun?"
-NUN VI SIDAS EN LA KAĈO!
4.7500/5 (4 voĉoj)
La Vojaĝoj kaj turismo

La mensogodetektilo

Volapukisto, Esperantisto kaj Idisto amuziĝas per mensogodetektilo. Unue la Volapukisto:

- Mi pensas ke mi povas plene ĝuste konjugacii la Volapukajn verbojn
BIP
- Do, almenaŭ mi scias bone la sonojn de la vokaloj.
Ĝi ne reagas.

La Esperantisto sekvas:
- Mi pensas ke mi neniam forgesas la akuzativon.
BIP
- Nu, mi pensas ke mi kapablus trapasi la C1-KER-ekzamenon.
Neniu sono.

Jen la Idisto:
- Mi pensas...
BIP
4.5000/5 (6 voĉoj)
La Naciecoj, Stultaj ŝercoj, Vojaĝoj kaj turismo

Ŝerco 1574

En la enirĉambro de granda hotelo en Nice oni legas sekvantan sciigon:

“Niaj anglaj gastoj estas ĝentile petataj paroli en angla lingvo al la servistoj de l'hotelo, ĉar ilian francan ĝenerale oni ne komprenas.”

Fonto: Rido Sanigas

4.0000/5 (3 voĉoj)
La Vojaĝoj kaj turismo

Ŝerco 1316

Pasaĝero en trajno al konduktoro: „Tio estas terura, ni malfruas jam du horojn.“
Konduktoro: „Ne timu, via veturbileto validas tri tagojn.

Fonto: Jozef Borský, 1111 anekdotoj en Esperanto

4.0000/5 (1 voĉo)
La Vojaĝoj kaj turismo

Ŝerco 1317

Konsilo al singardaj turistoj: „Se vi vojaĝas en neevolulitan landon, ne trinku akvon, en evoluita lando klopodu ne spiri.“

Fonto: Jozef Borský, 1111 anekdotoj en Esperanto

4.0000/5 (2 voĉoj)
La Vojaĝoj kaj turismo

Ŝerco 1318

Turisto demandas maljunan virinon pri plej mallonga vojo al burgo.
„Tra ĉi tiu arbaro, poste trans marĉon kaj vi estas antaŭ la burgo.“
Turisto: „Ĉu trans marĉon, ĉu tio ne estas danĝera?“
„Certe ne, juna sinjoro. Mi sendis trans ĝin jam kelkajn turistojn kaj neniu venis plendi.“

Fonto: Jozef Borský, 1111 anekdotoj en Esperanto

Neniu noto (neniu voĉo)
La Vojaĝoj kaj turismo

Ŝerco 1319

Konduktoro en trajno al vojaĝanto: „Sinjoro, vi devas aĉeti rapidtrajnan alpagon.
„Do veturu malpli rapide, mi ne hastas tiom.“

Fonto: Jozef Borský, 1111 anekdotoj en Esperanto

3.0000/5 (1 voĉo)
La Vojaĝoj kaj turismo

Ŝerco 1320

Demandas esplorvojaĝisto en Afriko ĉe iu rivero indiĝenon: „Ĉu eblas ĉi tie bani sin? Ĉu kanibaloj ne atakos min?“
„Trankvile banu vin, kanibaloj tre timas krokodilojn.“

Fonto: Jozef Borský, 1111 anekdotoj en Esperanto

3.0000/5 (1 voĉo)
La Vojaĝoj kaj turismo

Ŝerco 1304

„Johano, ĉu vi scias, ke mia edzino jam ŝoforas?“
„Kaj ĉu ŝi ne timas?“
„Ŝi ne, sed tuta nia urbo jes.““

Fonto: Jozef Borský, 1111 anekdotoj en Esperanto

3.0000/5 (1 voĉo)
La Vojaĝoj kaj turismo