Tajpu per la X-metodo kaj la ĉapeloj aŭtomate aperos.
Ridejo

Plej bonaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

La bovino Gerda

Al riĉa terposedanto dum komerca vojaĝo telefonas ties ĉefservisto:
Saluton, jen via servisto. -
Ĉu io okazis, kial vi telefonas? -
Jes, mortis la bovino Gerda. Vi scias, tiu kun la helbrunaj makuloj, kiu ĉiam tiel gaje blekis dum la melkado. -
Kio? Mi posedas 5000 bovojn, unu pli aŭ malpli vere ne gravas, telefonu al mi nur en urĝaj okazoj! -
Bone, do adiaŭ. -
Momenton, nur pro scivolemo: Kial tiu bovo mortis? -
Nu, la tegmento de la fojnejo falis sur ĝin, kaj tio estas tro peza. -
Kio? Kial la tegmento falis? -
Nu, la fojnejo forbrulis, kaj sen la muroj kompreneble la tegmento ne povis sin teni. Malbonŝanco, por Gerda. -
Damne, kial la fojnejo entute brulis? -
Nu, ĝi ekbrulis pro la multaj fajreroj de via biendomo, kiam tiu forbrulis. -
MIA DOMO? Kial ĝi brulis? -
Nu, via filo stumblis sur la ŝtuparo, rompante al si ambaŭ brakojn, kaj dum tio renversis kandelingon, kiu bruligis la kurtenon. Tiel komenciĝis la malfeliĉo por Gerda. -
FEK', kial entute estis kandeloj anstataŭ ordinara lumo? -
Nu, ni volis ja havi solenan etoson por la entombigo de via edzino!
5.0000/5 (4 voĉoj)
La Stultaj ŝercoj

Ŝerco 3

Kial la ĝirafo neniam estas sola?

Ĉar ĝi havas kolegon.
5.0000/5 (4 voĉoj)
La Stultaj ŝercoj

Princino scias

Eta princino trovas ranon kaj la rano diras per homa lingvo: "Se vi kisos min, mi turniĝos en belan princon."
La princino iom pripensas kaj diras: "Mi ne kisos vin. Mi volas parolantan ranon!"
5.0000/5 (3 voĉoj)
La Bestoj, Infanoj

Skeleto venas

Skeleto venas al kuracisto kaj la kuracisto diras:
"Nu, sinjorino, vi venas frue..."
5.0000/5 (3 voĉoj)
La Kuracistoj kaj pacientoj

La lasta vorto

- Hieraŭ mi tre kverelis kun mia edzino, sed la lastan vorton havis mi.
* Kaj kion vi diris?
- Do vi tion aĉetu!

Fonto: Zvolensko

5.0000/5 (3 voĉoj)
La Geedzeco

Forgesema

- Doktoro, mi ofte forgesas?
* Ekde kiam?
- Kio ekde kiam?

Fonto: Zvolensko

5.0000/5 (3 voĉoj)
La Kuracistoj kaj pacientoj

Brilado

Panjooo, brulas la lampo!
Filĉjo, oni ne diras "brulas", sed "brilas".
Bone panjo! Kaj nun brilas ankaŭ la kurteno...

Fonto: Zvolensko

5.0000/5 (3 voĉoj)
La Infanoj

Pekokonfeso

Nova pastro servas ĉe pekokonfesado.

Venas virino kaj konfesas: Dio mi pekis - mi unufoje amoris kun alia viro ol mia edzo.
Pastro: Dio pardonas vian pekon. Kiel pentofaron surgenue ĉirkaŭiru la preĝejon preĝante.

Venas alia virino kaj konfesas: Dio mi pekis - mi dufoje amoris kun alia viro ol mia edzo.
Pastro: Dio pardonas vian pekon. Kiel pentofaron surgenue dufoje ĉirkaŭiru la preĝejon preĝante.

Venas tria virino kaj konfesas: Dio mi pekis - mi trifoje amoris kun alia viro ol mia edzo kaj ankaŭ midzis.
Pastro pripensas, sed ne sukcesas elpensi ĝustan pentofaron, do volas konsulti. Li foriras de konfesejo, ekvidas mesknabon kaj demandas lin: Kion donis la antaŭa pastro pro midzado?
mesknabo: Kutime unu Snickers.
5.0000/5 (3 voĉoj)
La Infanoj, Nigra humuro, Religio, Sekso

Nejusta elĵetado

-Aŭskultu, oni min fitraktis en la teatro, ili elĵetis min!
-Kial do?
-Nu, mi ne scias. Mi estis tie kun mia avino. Ĉar ŝi malbone vidas kaj aŭdas, mi devis de tempo al tempo klarigi ion al ŝi, sed tio dum la duono de la teatraĵo ne ĝenis iun ajn, mi vidis.
Sed ĉio komenciĝis, kiam nova aktoro elŝutis amelan farunon por ŝajnigi kokainon. Mi avino demandis, ĉu tio estas vera kokaino, kaj mi diris laŭte "Tio estas fekulo!". Ho, kiel tiu aktoro malbone rigardis al mi! Kaj malmulte poste, venis virkantisto en kostumo flora, kiu tamen kantis preskaŭ soprane. Ravite, mi ne povis teni min kaj vokis "Ho, tio estas piĉo, lekanto!" Tiam iu teatrano kuris al mi kaj diris, ke mi iru, sed ĝuste tiam mi rimarkis ke sur lia ŝultro sidas insekto. Mi montrante al li diris "Ho, forfikulo!". Kaj tiam ili simple kaptis min kaj elĵetis, kia impertinento!
5.0000/5 (3 voĉoj)
La Esperantaj vortoj

Ŝerco 1433

Kelkaj veroj pri Chuck Norris:
1. Chuck Norris venkis konkurson kun stacionara biciklo.
2. Kiam Chuck Norris malfruiĝas, tempo prefere malrapidiĝu.
3. Chuck Norris kapablas fari truon en akvon.
4. Chuck Norris kapablas aplaŭdi per unu mano.
5. Chuck Norris kaŭzas al cigaredo kanceron.
6. Chuck Norris dormas kun kuseno sub pistolo.
7. Chuck Norris kapablas startigi aŭton sen motoro.
8. Chuck Norris kapablas nul-onigi.
9. Tempo atendas neniun. Se li ne estas Chuck Norris.
10. Kiam Dio diris „estu lumo“, Chuck Norris atendis, ĝis li petos.

Fonto: Jozef Borský, 1111 anekdotoj en Esperanto

5.0000/5 (3 voĉoj)
La Chuck Norris