Plej malbonaj ŝercoj

Paciento ĉe psikologo

Paciento: La homoj min ignoradas, mi sentas min kvazaŭ nevidebla.
Psikologo: Hu? Kiu ĵus diris tion?!

Ŝerco 1698

Laŭ la rezultoj de la lasta Ret-enketo 100 procentoj da rusianoj uzas la Reton.

Fine de tago en Parizo renkontiĝas du almozuloj, rumano kaj alĝeriano. La alĝeriano kolektis multajn 10-eŭrajn biletojn, dum la rumano ricevis nur kelkajn monerojn. Li demandas:
— Kiel vi sukcesis ricevi tiom multe da mono?
La alĝeriano respondas:
— Kion vi skribis sur vian kartonon?
— Nu kutimajn aferojn: “Mi malsatas, mi havas du infanojn”…
— Jen kial, stultulo! Sur mian mi skribis: “Mankas al mi nur 10 € por reveni al Alĝerio.”

Ordigado kun infanoj

Ordigi en apartamento, kie loĝas infanoj, estas kiel purigi siajn dentojn kaj dume manĝi ĉokoladon.

Feinkanto

"Feinkanto" estas dolĉa vorto, elvokanta la tutan ĉarmon de l' poezio.
Bedaŭrinde, la sama vorto, en la vir-genro, revokas nin al plej banala prozo.

Fonto: SCHWARTZ, Raymond ; ... Kun siaspeca spico!

Aplaŭdu

La plej Esperanta vorto - oni eĉ povas diri "la plej ĝisvoste Esperanta" - estas verŝajne la vorto APLAŬDU.
Se vi forstrekas ĝian kapon, tuj reestas nova kapo sur la korpo mallongigita. Entute kvin fojojn vi povas detranĉi la kapon kaj tamen restos en la fino ankoraŭ vivovokanta imperativo:
A/plaŭdu
P/laŭdu
L/aŭdu
AŬ/du
D/u
U

Fonto: SCHWARTZ, Raymond ; ... Kun siaspeca spico!

Plej malbonaj ŝercoj

Paciento ĉe psikologo

Ŝerco 1698

Almozpetuloj

Ordigado kun infanoj

Feinkanto

Aplaŭdu

Klarvidulo

Ŝerco 366

Malfacile esti gepatroj…

Devo min vokas