Plej bonaj tekstaj ŝercoj

Vizito ĉe urologo IV

Urologo diras al sia paciento:
-Vi devas nepre ĉesi sinmasturbi.
-Kial?
-Ĉar tiel mi ne povas ekzameni vin!

Ŝerco 1325

„Kara Denisa, pro vi mi irus eĉ ĝis la fino de la mondo.“
„Do feliĉan vojaĝon!“

Fonto: Jozef Borský, 1111 anekdotoj en Esperanto

La retpoŝta adreso de Chuck

Chuck Norris kompreneble havas retpoŝtan adreson, ĝi estas "gmail@chucknorris.com".

Ŝerco 1051

Kuracisto perkutas malgrandan, dikan infanon kaj diras al la juna patrino:
„Via knabeto malmulte moviĝas.“
„Ĉu malmulte? Jam kvinfoje li elfalis el infanĉareto.“

Fonto: Jozef Borský, 1111 anekdotoj en Esperanto

Ŝerco 279

Kvinjara knabo demandas antaŭ ol dormi:
- Avineto, kiel aperas infanoj?
- Nu! Tiu estas tre longa rakonto. Sed, iam mi klarigos al vi.
- Rakontu almenaŭ pri la komenco!

La barbiro diras al sia kliento:
- Tiu alproksimiĝanta knabo estas tro malinteligenta!
- Sed, kial? – demandas la kliento jam scivolema.
- Apenaŭ observu.
Tiam, la knabo alvenas kaj tuj petas moneron por aĉeti dolĉaĵon. La barbiro montras du monerojn de $0,25 kaj unu moneron de $1,00, kaj petas al la knabo ke li elektu. La knabo elektas la du monerojn de $0,25 kaj foriras. Tiam, la barbiro ŝercis:
- Ha! Ha! Ĉu mi ne pravas?! Li estas tro malinteligenta!
Iom poste, la kliento sekvis la knabon kaj demandis al li:
- Kial vi ĉiam elektas la du monerojn de $0,25? Ĉu vi ne scias ke la monero de $1,00 pli valoras ol la du moneroj de $0,25?
- Jes, mi scias. Tamen, se iam mi elektos la moneron de $1,00, li ne plu interesiĝos pri la ŝerco, kaj mi ne plu gajnos monon!

Ŝerco 1458

Gvidanto en muzeo al unu el vizitantoj: „Vi eksidis en brakseĝon de Karolo la Kvara.“
Laca vizitanto: „Ne gravas, kiam li venos, mi liberigos ĝin.“

Fonto: Jozef Borský, 1111 anekdotoj en Esperanto

Supozitorioj

Virino revenas post laboro hejmen al sia malsana edzo:
-"Karulo, estas mi! Kiel vi fartas? - Ho ve, vi ja daŭre aspektas tre malsane, ĉu la apotekisto ne alportis la supozitoriojn, kiujn mi mendis por vi?"
-"Ho, karulino, mi vere malbonfartas. La supozitorioj entute ne helpis, kaj ili gustis horore!"
-"Kio?! Ĉu vi buŝe glutis ilin?" ŝi nekredante demandas.
-Krias la viro: "Nu, kion alian mi devus fari? Ĉu eble ja ŝovi ilin en mian pugon?!"

Fonto

Ŝerco 271

Dio volis scii kiom da bonaj homoj ekzistas sur la Tero. Tiam, Li sendis anĝelon por fari la serĉesploradon. Kiam la anĝelo revenis, Dio analizas la rezultaton: 5% estas bonaj kaj 95% estas malbonaj. Prizorgita pro la rezultato, Dio solvas sendi leteron al ĉiuj bonaj homoj por kuraĝigi ilin daŭre esti virtaj. Ĉu vi volas scii, kio estas skribita en la letero?!... Bedaŭrinde, mi ankaŭ ne ricevis ĝin!!!

Rekrutekzamenado

Leporo, vulpo kaj urso ricevas leterojn vokantajn ilin al rekrutekzamenado por la arbara armeo.
Ĉar ili entute ne volas militservi, ili survoje al la armea oficejo cerbumas, kiel eskapi rekrutadon.
Fine la vulpo havas ideon: "Leporo sen oreloj, vulpo sen vosto kaj urso sen dentoj kaj ungegoj estas senvaloraj. Tiel ni ja suferos, sed almenaŭ ne devos iri al la milito!"
Do ili reciproke forŝiras la orelojn de la leporo, la voston de la vulpo kaj elbatas ĉiujn dentojn kaj ungegojn de la urso.
Laŭvice ili eniras la oficejon. Eliras la leporo jubilante "Hu ra, ili ne volas senorelan leporon!"; poste la vulpo eliras ĝoje "Jeees, senvosta vulpo ne taŭgas por ili!"; fine la urso elvenas plorante "Buhu, »tro granda kaj tro peza«..."