Tajpu per la X-metodo kaj la ĉapeloj aŭtomate aperos.
Ridejo

Plej bonaj tekstaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

Veturpetanta morto

Ebriulo kondukas aŭton el drinkejo kaj subite vidas veturpetantan morton.
Do li haltigas, malfermas fenestron kaj bonhumore demandas: "Do, kien, onklo?"
"Nur tien sub tiun monteton, en tiun akran kurbiĝon..."
4.7500/5 (4 voĉoj)
La Alkoholo, Ŝoforoj

En la kaĉo

Sola piloto en malgranda aeroplano flugas super la senfina ĝangalo.
Subite la motoro knaras, knaregas kaj misfunkcias plene. La aeroplano kraŝas, sed la piloto sukcesis ĝin tiel longe ekvilibrigi, ke li povas eliri el la vrako nevundite.
Tamen, jam kelkajn minutojn poste, kiam li eniras en malgrandan senarbejon, subite ĉirkaŭas lin sovaĝuloj armitaj. Laŭ la aspekto estas verŝajne kanibaloj.
-"Ho ve", li mizermienas, "nun mi sidas en la kaĉo!"
-NE, VI ANKORAŬ NE SIDAS, subite vokas mistera voĉo en lia kapo.
-"Ĉu ne? Kion mi faru?!"
-IRU AL LA TRIBESTRO, PRENU LIAN LANCON, KAJ MORTIGU LIN!
La viro tuj kuras al la tribestro, forŝiras ties lancon kaj traboras lin per multaj puŝoj. - Malviva!
-"Kaj nun?"
-NUN VI SIDAS EN LA KAĈO!
4.7500/5 (4 voĉoj)
La Vojaĝoj kaj turismo

Ŝerco 1571

Napoleono I, volante diri ofendvorton al kardinalo Saverio, demandas iin:

Ĉu estas vere, ke Italoj estas friponoj?

Ne ĉiuj, Moŝto, sed la bona parto.

Fonto: Rido Sanigas

4.7500/5 (4 voĉoj)
La Esperantaj vortoj

Ŝerco 1550

„Ĉu estas vero, ke via fianĉo laboras ĉe sekreta servo?“
„Jes.“
„Kiel li nomiĝas?“
„Mi tute ne scias.“

Fonto: Jozef Borský, 1111 anekdotoj en Esperanto

4.7500/5 (4 voĉoj)
La

Ŝerco 1526

„Fraŭlino, vi havas belegajn dentojn.“
„Tion mi heredis de mia patrino.“
„Ne diru, sed ili konvenas al vi akurate.“

Fonto: Jozef Borský, 1111 anekdotoj en Esperanto

4.7500/5 (4 voĉoj)
La

Ŝerco 670

Du ĉasistoj kuŝas en tendo. Subite ekblekegas leono. Sinjoro Novák diras al sia amiko: „Vetu pri mil kronoj, ke dum duonhoro ĝi estos mia.“ Kun pafilo li eliras el tendo. Post iom da tempo puŝas leono kapon en tendon kaj demandas: „Ĉu vi konas sinjoron Novák? Ĵus li perdis vetmonon.“

Fonto: Jozef Borský, 1111 anekdotoj en Esperanto

4.7500/5 (4 voĉoj)
La Fiŝkaptistoj kaj ĉasistoj

Informoj

Kial la televidstacio ŝanĝis la novaĵ-legistinon?
- Ĉar la nova havas pli bonajn in-formojn.

Fonto: Vikipedio

4.7500/5 (4 voĉoj)
La Esperantaj vortoj

Chuck kaj morto

Chuck Norris estas jam tri jarojn morta, nur la morto timas tion diri al li.
4.7500/5 (4 voĉoj)
La Chuck Norris

Vizito en lernejo

Rusa prezidanto vizitas unu el rusaj bazlernejoj. Estas planita ankaŭ tempo por demandoj de infanoj. Saŝa ekstaras kaj demandas:
- Sinjoro prezidanto, mi havas por vi tri demandojn:
1. Kial ni aneksis Krimeon?
2. Kial ni sendas rusajn soldatoj al Ukrainio?
3. Kiu mortigis Boris Nemcov?
Tiam aŭdeblas sonorilo, kiu anoncas paŭzon. Post la paŭzo infanoj revenas al la klasĉambro kaj ekstaras Dima:
- Sinjoro prezidanto, mi havas por vi kvin demandojn:
1. Kial ni aneksis Krimeon?
2. Kial ni sendas rusajn soldatojn al Ukrainio?
3. Kiu mortigis Boris Nemcov?
4. Kial la sonorilo sonoris 20 minutoj antaŭ la vera fino de la leciono?
5. Kie malaperis Saŝa?
4.7222/5 (18 voĉoj)
La Naciecoj, Politiko

Riĉa eklezio

Kial la eklezio estas riĉa?
- Ĉar en la preĝejoj troviĝas di-amantoj

Fonto: Vikipedio

4.7143/5 (7 voĉoj)
La Esperantaj vortoj