Stultaj ŝercoj

Rompita ludilo

Kiam miaj infanoj ploras ĉar ili rompis ludilon, mi uzas glubendon. La ludilo ankoraŭ estas rompita, sed mi aŭdas malpli la infanojn.

Fonto

Alternativa vidpunkto pri tombejmuroj

Ekonomie, la konstruado de tombejmuro estas senutila. Ĉar la enaj ne povas eliri, kaj la eksteraj ne volas eniri.

Fonto: YACE - Der Preis der Macht (ekonomia suspensromano de Jonas Cord)

Kion fari nun?

Ulino telefonas al sia amiko:
-Mi sendis mian eŝon aĉeti terpomojn, sed surveturis lin aŭto.
-Ho mia Dio, kaj kion vi faros nun?!
-Mi ne scias, eble mi faru rizon.

Optimisto: Post la 31-a de Decembro 2020 venos la 1-a de Januaro kaj estos fino de tiu ĉi damna kaj freneza jaro.
Pesimisto: Post la 31-a de Decembro 2020 venos la 32-a de Decembro kaj tiel plu kaj 2020 neniam finiĝos.

Fonto: Telegramo

Ŝerco 1868

En apudmara hotelo unu el la gastoj demandas la pordiston:
-Pardonu, oni povas bani sin en la golfo?
-Kompreneble.
-Ĉu tio estas certa, ke tie ne estas ŝarko?
-Tutcerte.
-Kie estas krokodilo sinjoro, tie neniam estas ŝarko!

Nova vendejego

Proksime de ni ekfunkciis nova vendejego, kie zorgas aŭtomata asperga sistemo pri tio, ke la varoj restu freŝaj. Antaŭ ol la asperg-sistemo ekas, aŭdeblas tondrado, poste flareblas odoro de pluvo. Proksimiĝante al la laktaĵoj oni aŭdas bovinmuĝadon, kaj venas odoro de freŝa fojno. Irante al la breto kun ovoj ni aŭdas klukadon de kokinoj, kaj disvastiĝas odoro de ovaĵo kun fromaĝo. Super la legomsekcio ŝvebas odoro de krevmaizo...
Neniam plu mi aĉetos tie necesejpaperon.

Fonto: Esperantista Vegetarano, n-ro 1, 2011. Esperantigis: Imre SZABÓ

Danĝera trafiko

– Mi petas vin, kara juna sinjoro, bonvolu min akompani al la alia flanko. La trafiko estas danĝere vigla, mi estas maljuna, malbone mi vidas.
– Volonte mi helpos. Certe vi loĝas tie.
– Ne, ne tie. Mi venis en la urbon per motorciklo, kaj mi lasis ĝin tie.

Fonto: Esperantista Vegetarano, n-ro 1, 2011. Esperantigis: László HUSZÁR

Kraboj, diplomatoj kaj virinoj

Pri kraboj, diplomatoj kaj virinoj oni neniam scias, ĉu ili alvenas, foriras aŭ kien ili iras.

Fonto: Esperantista Vegetarano, n-ro 1, 2012. Verkis Lilia FABRETTO

Maldekstramanulo

Li estas amiko kaj ni ne diros, ke li estas monavida. Ni diru, ke li estas maldekstramana kaj li tenas la monon en sia dekstra poŝo.

Fonto: Esperantista Vegetarano, n-ro 1, 2012. Verkis Lilia FABRETTO

Ĝentileco en buso

Iun matenon la buso estis eksterordinare plena, eĉ plenplena. Subite unu el la pasaĝeroj, kiu sidis ĉe la fenestro, kovris sian vizaĝon per la manoj.
“Kio okazas?” – demandis tiu, kiu sidis apud li. “ Ĉu vi malsanas?”
“Ne, certe ne” – respondis la viro ĉe la fenestro. “Sed ne plaĉas al mi vidi maljunulinojn starantajn!”

Fonto: Esperantista Vegetarano, 2008. Verkis: Bob FELBY