Politiko

Ŝerco 256

Kiel oni scias ke politikisto mensogas?
Respondo: Kiam li movas siajn lipojn!

La kandidato vizitis hospitalon de HIV-portantoj kaj, por impresi sian elektantaron, li ordonis al la flegistino por ke ŝi injektu en lian vejnon la HIV-viruson. La flegistino hezitis tion fari, sed li tiel insistis ke ŝi fine injektis la HIV-viruson en lian vejnon. Kiam ĉiuj forlasis la hospitalon, lia kampanja asesoro demandas konfuzita:
- Ĉu vi estas freneza?! Kial vi permesis ke oni injektu la HIV-viruson en vian vejnon?!
- Ha! Ha! Ha! Ne prizorgu! Mi estas uzanta kondomon!

Pola Radio

Demando al Pola Radio: "Ĉu ĝustas, ke la pola parlamento hieraŭ unuanime rezoluciis favore al Esperanto?"

Respondo: "Jes, principe tio ĝustas. Sed ne estis hieraŭ, sed antaŭhieraŭ. Kaj ne estis unuanime, sed per 95%-a plimulto. Kaj ne estis favore, sed kondamne al E-o..."

Kontraŭuloj de Esperanto

Renato Corsetti transdonas la oficejon de UEA al Probal Daŝgupta. Post la formalaĵoj ili kunsidas kaj babilas. Iam Corsetti demandas: "Probalo, ĉu en via lando ekzistas multaj homoj, kiuj decide neniam lernus Esperanton?" - "Jes," respondas Daŝgupta, "mi eĉ taksus ilian nombron je minimume 500 milionoj!" - Respondas Corsetti: "Nu bone, pli-malpli tiom, kiom en Eŭropo."

Konsilo al sentaŭguloj

Estas la jaro 1937a. Okaze de la 50a datreveno de la Unua Libro antaŭ la centralo de S.A.T. oni volas starigi novan flagstangon (por verda flago, kompreneble). Du Sat-anoj do fosas truon, starigas la maston kaj kontentas pri ĉi ĉio. Krom ke pro la fosado restis iom da tero. Ĉar ili ne scias kion fari kun ĝi, ili fosas duan truon por enigi la teron tie. Sed denove poste restas troa tero. Do ili fosas trian truon ktp. Eŭgeno Lanti, kiu observis siajn subulojn dum longa tempo de sia oficejo, finfine ne plu eltenas: Li malfermas la fenestron kaj krias: "Kamaradoj, vi devas fosi pli profunde!"

Vizito en lernejo

Rusa prezidanto vizitas unu el rusaj bazlernejoj. Estas planita ankaŭ tempo por demandoj de infanoj. Saŝa ekstaras kaj demandas:
- Sinjoro prezidanto, mi havas por vi tri demandojn:
1. Kial ni aneksis Krimeon?
2. Kial ni sendas rusajn soldatoj al Ukrainio?
3. Kiu mortigis Boris Nemcov?
Tiam aŭdeblas sonorilo, kiu anoncas paŭzon. Post la paŭzo infanoj revenas al la klasĉambro kaj ekstaras Dima:
- Sinjoro prezidanto, mi havas por vi kvin demandojn:
1. Kial ni aneksis Krimeon?
2. Kial ni sendas rusajn soldatojn al Ukrainio?
3. Kiu mortigis Boris Nemcov?
4. Kial la sonorilo sonoris 20 minutoj antaŭ la vera fino de la leciono?
5. Kie malaperis Saŝa?

Ŝerco 256

Ŝerco 242

Pola Radio

Kontraŭuloj de Esperanto

Konsilo al sentaŭguloj

Vizito en lernejo

Bonkoreco

Ŝerco 11

Stranga familinomo

Kiel distingi Nordan Koreion de Suda Koreio