Tajpu per la X-metodo kaj la ĉapeloj aŭtomate aperos.
Ridejo

Sekso

En ĉi tiu kategorio estas 129 ŝercoj.

Amindumado sur nudista plaĝo

Sur nudista plaĝo:
— Junulino, vi plaĉas al mi.
— Mi vidas!

Fonto: Telegramo

5.0000/5 (4 voĉoj)
La Sekso

Moroj en monĥejo

Juna monĥiĉo venas al monĥejo. Lin bonvenigas kaj enkondukas la abado, klarigas ĉion pri vekiĝo, preĝado, purigado ktp. Iam la monĥo kun hontemo demandas:
-Mia parento, kion mi faru, kiam mi havos, nu, la bezonojn de la malforta karno?
-Ah, respondas la abado, mi komprenas, mia fizo. Ĉu vi vidis en la dormejo la grandan malnovan ŝrankon? Kiam vi malfermos ĝin, vi trovos tie en la mezo porteton, kaj post ĝi pugon, per kiu vi povos plezurigi vin de dimanĉo ĝis vendredo.
-Mia parento, kaj kio estas sabate?
-Mia fizo, sabate en la ŝranko deĵoros vi!

[abado = abat(in)o, fizo = fil(in)o, monĥo = monaĥ(in)o, parento = patr(in)o]
4.6000/5 (5 voĉoj)
La Nigra humuro, Sekso, Viroj

Surprizo dum seksumado

Dum seksumado, onin povas surprizi pluraj aferoj...
Kiam oni estas 15-jara, onin povas surprizi gepatroj.
Kiam oni estas 35-jara, onin povas surprizi infanoj.
Kiam oni estas 65-jara, onin povas surprizi koratako.

Fonto: iu televida ŝercprogramo

4.6667/5 (3 voĉoj)
La Sekso

Bedaŭroj de kuracisto

Kuracisto parolas kun amiko.
- Mi tiom hontas, mi seksumis kun unu el miaj pacientoj...
- Hej, ne tiom gravas, ĉiu kuracisto certe jam faris tion!
- Sed mi estas bestkuracisto...
5.0000/5 (2 voĉoj)
La Bestoj, Kuracistoj kaj pacientoj, Nigra humuro, Sekso

Malfruulo

-Ho, mi havis merdan tagon!
#Kio okazis?
-Mia biero glaciiĝis, mia pico bruldifektiĝis, kaj mia amikino estas graveda!
#Kara, vi vere devas lerni ĉion eltiri ĝustatempe!
4.3333/5 (3 voĉoj)
La Alkoholo, Sekso, Viroj

Nekontento

Telefona interparolo de paro:

-Ĉu vi havas apetiton je kokaĵo?
#Ne
-Ĉu vi havas apetiton je kareaĵo?
#Ne
-Vi ne estos kontenta rilate tion, kion mi faris!
#Ho, ĉu vi do kuiris kokan kareaĵon?
-Ne, mi fikis la najbarinon.
4.7500/5 (4 voĉoj)
La Sekso, Virinoj, Viroj

Semaforismo XXX

"Frapu antaŭ ol eniri!" estas principo de boneduko. Jes, sed nur se temas pri pordo.

Fonto: SCHWARTZ, Raymond ; ... Kun siaspeca spico!

4.5000/5 (2 voĉoj)
La Aforismoj, Sekso, Virinoj, Viroj

Vortokresko

Por oportuna kuŝo - unu lito.
De kuŝo ĝis "akuŝo" - unu litero.
Akuŝo: ofta konsekvenco de - unu literaro.

Fonto: SCHWARTZ, Raymond ; ... Kun siaspeca spico!

5.0000/5 (2 voĉoj)
La Esperantaj vortoj, Sekso

Progreso

Adamo kaj Evo estis solaj sur la Tero. Kaj tamen, unu tagon - neniu scias, de kie - venis tria homo. Li estis viro. Videble. Kaj li diris al Adamo:
"Mi tre dezirus pasigi unu duonhoron kun via edzino. Ĉu vi bonvolas doni ŝin al mi?"
"Doni?" miris Adamo. "Doni? Certe ne! Sed, se temas nur pri unu duonhoro, vi povas lui ŝin."
"Lui ŝin? Jen bona ideo!" ekĝojis la tria homo, kaj kun plezuro li konstatis:
"Kiel simple kaj senkonflikte! Jam komenciĝis la progreso!"
"Jes", konkludis Adamo, "progreso dank' al... Evoluo!"

Fonto: SCHWARTZ, Raymond ; ... Kun siaspeca spico!

4.7500/5 (4 voĉoj)
La Esperantaj vortoj, Geedzeco, Religio, Sekso

Koratakoj kaj nutrado

En Japanio, kie oni konsumas malmulte da graso, la nombro de la koratakoj estas pli malgranda ol en Anglio kaj en Usono. Aliflanke en Francio, kie oni konsumas sufiĉe multe da graso, la nombro de la koratakoj estas same pli malgranda ol en Anglio kaj en Usono.
En Barato, kie oni apenaǔ trinkas iom da ruĝa vino, la nombro de la koratakoj estas pli malgranda ol en Anglio kaj en Usono. En Hispanio, kie oni trinkas sufiĉe multe da ruĝa vino kaj manĝas multe da paprikitaj kolbasoj, la nombro de la koratakoj estas same pli malgranda ol en Anglio kaj en Usono.
En Alĝerio, kie oni apenaǔ amoras, la nombro de la koratakoj estas pli malgranda ol en Anglio kaj en Usono. En Brazilo, kie oni multe amoras, la nombro de la koratakoj estas same pli malgranda ol en Anglio kaj en Usono.
KONKLUDO: Manĝu, drinku kaj amoru laǔplaĉe, ĉar ŝajne tio, kio mortigas, estas la angla lingvo mem.

Fonto: Esperantista Vegetarano, n-ro 1, 2009. El la hungara tradukis: Imre SZABÓ

4.0000/5 (4 voĉoj)
La Alkoholo, Naciecoj, Scienco, Sekso