Hazardaj ŝercoj

Ŝerco 594

En foiro: „Por tiu bovo vi postulas 20.000 kronojn. Rigardu, kiel ĝi palpebrumas. Ĉu tio ne estas tro multekosta?“
„Ne, ĝi signalas al mi, ke mi ne vendu ĝin tiel malmultekoste.“

Fonto: Jozef Borský, 1111 anekdotoj en Esperanto

Ŝerco 1490

Du avaruloj sidas en restoracio. Unu diras: „Tie tiu belulino koketas kun vi.“
„Mi scias.“
„Do, kion vi atendas?“
„Ĝis ŝi pagos.“

Fonto: Jozef Borský, 1111 anekdotoj en Esperanto

Ŝerco 468

Homoj aplaŭdas al kantisto tial, ĉar li bele kantis, aŭ tial, ke li jam finis.

Fonto: Jozef Borský, 1111 anekdotoj en Esperanto

Semaforismo XXIX

"Sur nia terglobo ĉio estanta havis komencon kaj havos finon."
"Ne!" protestas la kolbasoj, "ni havas nur du finojn!"

Fonto: SCHWARTZ, Raymond ; ... Kun siaspeca spico!

Ŝerco 962

Vokas arestito fraŭlinon tra kradita fenestro: „Fraŭlino, ĉu vi havos tempon post 6 monatoj, la 24-an de aprilo 2009 je la dekkvara?“

Fonto: Jozef Borský, 1111 anekdotoj en Esperanto

Ŝerco 1443

Ekĝemas sinjorino: „Kaj jen, mi proksimiĝas jam malrapide al mia kvardekjaro.“
Ŝia konatino: „Kaj el kiu flanko?“

Fonto: Jozef Borský, 1111 anekdotoj en Esperanto

Ŝerco 1068

Kuracisto demandas vunditon: „Ĉu aŭto?“
„Jes.“
„Ĉu vi veturis tro rapide?“
„Ne, mi iris tro malrapide.“

Fonto: Jozef Borský, 1111 anekdotoj en Esperanto

Ŝerco 1472

Instruisto riproĉas al malsukcesa lernanto:
„Bonvolu diri al mi, kial vi ne deziras lerni la anglan lingvon? Ja duono da la mondo posedas ĝin.“
„Kaj ĉu tio jam ne sufiĉas?“

Fonto: Jozef Borský, 1111 anekdotoj en Esperanto

Ŝerco 1054

Paciento en montara sanatorio: „Sinjoro doktoro, mi tre malbone spiras.“
„Ĉu ankaŭ ĉi tie? En tia belege pura aero?“
“Ja jes. Mi estas kutimiĝinta vidi, kion mi spiras.“

Fonto: Jozef Borský, 1111 anekdotoj en Esperanto

Ŝerco 1114

Instruisto en lernejo: „Hodiaŭ vi skribos skribekzamenon. Mi esperas, ke neniun mi kaptos kaŝe skribante de kunsidanto.“
Franĉjo al najbaro: „Ankaŭ mi esperas.“

Fonto: Jozef Borský, 1111 anekdotoj en Esperanto