Viroj | Ridejo

Ŝerco 1425

„Kio okazis al viro, kies IQ ĵus malaltiĝis je 60%?“
„Lia edzino mortis.“

Fonto: Jozef Borský, 1111 anekdotoj en Esperanto

Ŝerco 1426

Venas viro en librovendejon kaj demandas:
„Ĉu vi havas libron Viro, reganto de virinoj?“
„Pardonu, sed sci-fi estas en dua etaĝo.“

Fonto: Jozef Borský, 1111 anekdotoj en Esperanto

Ŝerco 1405

„Videblas, ke vi estas mezaĝa viro.“
„Kial?“
„De ĉiuj malfacilaĵoj vi kulpigas mankon da vitaminoj.“

Fonto: Jozef Borský, 1111 anekdotoj en Esperanto

Ŝerco 1406

Viro venas en laborejon kaj fanfaronas: „Mi havas filon, li havas kvindek centimetrojn kaj kvar kilogramojn.“
Kolegoj demandas: „Kaj la edzino?“
„Ankaŭ ŝi havas filon.“

Fonto: Jozef Borský, 1111 anekdotoj en Esperanto

Ŝerco 1407

Inter amikinoj: „Tiu mia edzo estas tiel sentema, ke kiam en teatro oni prezentas ion malgajan, li ploras.“
„La mia ploras jam dum aĉeto de biletoj!“

Fonto: Jozef Borský, 1111 anekdotoj en Esperanto

Ŝerco 1408

„Kie estas via edzo?“
„Li restis hejme kun sia kvarpieda amiko.“
„Ĉu vi havas hundon?“
„Ne, sofon.“

Fonto: Jozef Borský, 1111 anekdotoj en Esperanto

Ŝerco 1409

Plendas pli aĝa sinjoro en trajno: „Tiu nuntempa junularo estas tute ne edukita.“
Alia sinjoro: „Kial vi plendas, ja lasis vin sidiĝi juna fraŭlino.“
„Jes, sed mia edzino ankoraŭ staras.“

Fonto: Jozef Borský, 1111 anekdotoj en Esperanto

Ŝerco 1410

„Kion vi pensas Jana, ĉu amas min Petro?“
„Certe ke li amas vin. Ja kial ĝuste vi devus esti escepto.“

Fonto: Jozef Borský, 1111 anekdotoj en Esperanto

Ŝerco 1411

Inter amikinoj: „Tiu mia karulo havas en la kapo nur aŭton.“
„Estu kontenta. Almenaŭ vi havas malmultekostan garaĝon.“

Fonto: Jozef Borský, 1111 anekdotoj en Esperanto

Amikoj babiladas en trinkejo:
„Nu, kion vi faris dum via vojaĝo al Londono?“
„Mi tre bone amuziĝis. Imagu, ĉiuvespere nova knabino: Margareth, Cinthya,
Annelise, Robert ...“
„Robert ?!“
„Nu jes, Robert. Vi devus vidi, kia nebulego estas nokte en Londono!“

Fonto: Jozef Borský, 1111 anekdotoj en Esperanto