Tajpu per la X-metodo kaj la ĉapeloj aŭtomate aperos.

Plej malbonaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

Seksa egaleco

Knabino: Panjo, kial mia frato havas nur unu penison?
Patrino: Kara, ĉiu viro havas nur unu.
Knabino: Sed Paĉjo havas 2. Unu, malgrandan, per kiu li pisas, kaj alian, grandan, per kiu li purigas la dentojn de la najbaro.

Ŝerco 546

Viro dum rendevuo al juna fraŭlino: „Vi estas tia bela kaj agrabla, ke mi plenumus al vi la plej sekretan deziron.“
„Vi senmoralulo!“

Fonto: Jozef Borský, 1111 anekdotoj en Esperanto

Ŝerco 589

Leporo kun leporino spektas sorĉiston, kiu tiras el ĉapelo leporon post leporo. Leporo diras: „Tiu ĉi maniero estas ankaŭ bona, sed mi opinias, ke nia malnova metodo estas pli agrabla.“

Fonto: Jozef Borský, 1111 anekdotoj en Esperanto

Ŝerco 723

Iras du kolegoj el oficejo kune, subite unu trenas la duan en trairejon kaj time diras: „Ni devas kaŝi nin, sur la kontraŭa trotuaro staras mia edzino kun mia amatino kaj babilas.“
Lia kolego ekrigardas el al trairejo kaj diras: „Kion vi vidas, tie staras mia edzino kun mia amatino.“

Fonto: Jozef Borský, 1111 anekdotoj en Esperanto

Ŝerco 765

Atleto en stadiono prepariĝas por lancĵeto kaj diras al kolego: „Mi devas strebi, en tribuno sidas la bopatrino.“
La kolego: „Vana klopodo, tiel malproksimen vi ne ĵetos.“

Fonto: Jozef Borský, 1111 anekdotoj en Esperanto

Ŝerco 813

Al sinmortigonto, kiu staras en fenestro de la oka etaĝo kaj preparas sin salti suben, vokas lia amiko: „Ne frenezu, pensu pri la infanoj kaj la edzino!“.
Iom poste: „Ne, pri la edzino ne!“

Fonto: Jozef Borský, 1111 anekdotoj en Esperanto

Ŝerco 828

„Sinjoro advokato, mi volus divorci, sed diskrete.“
„Kion vi celas?“
„Nu, por ke mia edzino pri tio ne eksciu!“

Fonto: Jozef Borský, 1111 anekdotoj en Esperanto

Ŝerco 1032

En aviadilo oni anoncas per interna komunikilo:
„Ĉu estas kuracisto inter pasaĝeroj?“
Unu viro stariĝas kaj iras en pilotejon. Post iom da tempo nova anonco:
„Ĉu estas inter pasaĝeroj piloto?“

Fonto: Jozef Borský, 1111 anekdotoj en Esperanto

Ŝerco 1043

„Sinjoro doktoro, mi dankas al vi, ke vi kuracis mian megalomanion. Ekde tiu ĉi tempo mi estas ega, ideala, eĉ fenomena modelego de modesteco.“

Fonto: Jozef Borský, 1111 anekdotoj en Esperanto

Ŝerco 1081

Kuracisto: „Sinjorino, via edzo bezonas trankvilon, ĉi tie estas dormigaj piloloj.“
„Kiam mi donu ilin al li?“
„Al li ne, uzu ilin vi mem.“

Fonto: Jozef Borský, 1111 anekdotoj en Esperanto