Amo | Ridejo

Ŝerco 533

En fajroestingistejo sonoras telefono kaj virina voĉo petas: „Helpu, al mia fenestro per ŝtupetaro supreniras viro.“
„Fraŭlino, ĉi tie estas fajroestingistejo, vi voku policon.“
„Mi scias, sed li havas mallongan ŝtupetaron.“

Fonto: Jozef Borský, 1111 anekdotoj en Esperanto

Ŝerco 534

Demandas raportistino faman aktoron: „Niajn legantinojn interesus, kiujn pasiojn vi havis en juneco?“
„Kaptadon kaj virinojn.“
„Kaj kion vi kaptadis?“
„Virinojn.“

Fonto: Jozef Borský, 1111 anekdotoj en Esperanto

Ŝerco 535

Sonas telefono. La patro de tri plenkreskaj filinoj levas la aŭskultilon.
„Ĉu estas vi, fiŝeto mia?“ - aŭdas li en la aŭskultilo.
„Ne, ĉi tie estas la gardisto de la fiŝlago!“ – respondas la patro.

Fonto: Jozef Borský, 1111 anekdotoj en Esperanto

Ŝerco 536

Edzino hejme plendas:
„Do edzo mia, kio pri la sekso hodiaŭ? Ĉu ĉion en tiu ĉi hejmo mi devas fari mem?“

Fonto: Jozef Borský, 1111 anekdotoj en Esperanto

Ŝerco 537

Li en hotelĉambro: „Pluvas kaj pluvas, kia terura vetero, kion ni faros?“
Ŝi: „Dum tiu ĉi vetero eblas fari nur du agojn, sed mi atentigas vin, ke kartojn mi ne ludas.“

Fonto: Jozef Borský, 1111 anekdotoj en Esperanto