Esperantaj vortoj

Ĉu vi vidis skribaĵon ie surstrate aŭ nomon de iu produkto, kiu hazarde estas ankaŭ vorto en Esperanto? Aldonu ĝin, se ĝi estas amuza.

En ĉi tiu kategorio estas 58 tekstaj ŝercoj.

Timiga lando

* Kiun landon musoj plej timas?
* Kataron!

Tagoj kaj noktoj

William Auld raportas, ke iam disigante fine de kongreso edzino de konata E-a gravulo diris al li: "Kaj ne forgesu, la tagoj por Esperanto kaj noktoj por Ido."

Fonto: Vikipedio

- Panjo, mi ricevis leteron de la S-ro Petro, kiu petas mian manon. Ĉu vi permesos, ke mi edziniĝu al li?
- Ho, mia naiva, ĉu vi bone komprenas la dezirojn de tiu sinjoro?
- Legu do mem, panjo, kion li skribas: Fraŭlino, donacu al mi vian manon! Mi povas vivi nur por vi! Per floroj kaj baloj mi plenigos vian tutan vivon. Mi forigos viajn dolorojn! Kun via kiso mi iros al la fino de la mondo.
- Ha ha ha! Vi tute malbone legis la leteron. Rigardu precize, kion li volas diri: Fraŭlino, donacu al mi vian monon! Mi povas vivi nur per vi. Per ploroj kaj batoj mi plenigos vian tutan vivon. Mi forigos viajn dolarojn! Kun via kaso mi iros al la fino de la mondo.

Fonto: Vikipedio, Fundamenta krestomatio

En la IJK povas okazi io ajn

Iam estis junulino, kiu hejmen venis post sia unua IJK. Diris ŝi al sia patro: "Paĉjo, mi pardonpetas, sed mi ne plu estas virgulinon."
Respondis la patro kolere: "Nun mi elspezis tiom da mono por viaj kursoj, kaj vi ankoraŭ NE REGAS LA AKUZATIVON!"

Fonto: Vikipedio

Taŭga ŝtatprezidento

Kial ruslanda prezidento Jelcin forlasis sian postenon?
- Ĉar li nun havas putinon!

Fonto: Vikipedio

La demando

Kial kuŝas la agnostikisma, analfabeta, fundament-fidela Esperantisto ŝvite enlite, ne povanta endormiĝi?
- Turmentas lin la demando, ĉu ekzistas Ido!

Fonto: Vikipedio

Ses-flanka lando

Kiu lando havas ses flankojn?
- Kubo

Fonto: Vikipedio

Plej unikaj homoj

En kiu urbo loĝas la plej unikaj homoj?
- Dakaro: tie la loĝantoj estas senegalaj!

Fonto: Vikipedio

Frenezaj virinoj

Kial ĉiuj virinoj estas frenezaj?
- Ĉar ili havas mens-truojn!

Fonto: Vikipedio

Damoj en Esperantaj kluboj

Kial veraj damoj ne vizitas Esperantajn klubojn?
- Ĉar tie estas barb-aroj.

Fonto: Vikipedio