Tajpu per la X-metodo kaj la ĉapeloj aŭtomate aperos.
Ridejo

Esperantaj vortoj

Ĉu vi vidis skribaĵon ie surstrate aŭ nomon de iu produkto, kiu hazarde estas ankaŭ vorto en Esperanto? Aldonu ĝin, se ĝi estas amuza.

En ĉi tiu kategorio estas 54 tekstaj ŝercoj.

Rifuĝrimedo

Anstataŭ kaskon
mi portas maskon.

Fonto: HANDZLIK, Jerzy ; Epigramoj

Neniu noto (neniu voĉo)
La Aforismoj, Esperantaj vortoj

Semaforismo XXIV

Ankaŭ en tio montriĝis la genio de Zamenhof, ke kvarcentpaĝajn gramatikojn li sciis resumi en dekses paragrafetoj.

Fonto: SCHWARTZ, Raymond ; ... Kun siaspeca spico!

4.0000/5 (1 voĉo)
La Aforismoj, Esperantaj vortoj

Vokalaj nuancoj 4

Multkosta diamanto = 18 karatoj.
Vegetara festmanĝo = 18 karotoj.

Fonto: SCHWARTZ, Raymond ; ... Kun siaspeca spico!

3.0000/5 (1 voĉo)
La Aforismoj, Esperantaj vortoj, Restoracioj

Vokalaj nuancoj 3

Viro sidas ĉe riverbordo kun hokfadeno: fiŝisto.
Pasanto malbonintence puŝas lin en la akvon: faŝisto.
La viro ĉe la riverbordo falas en la akvon: fuŝisto.

Fonto: SCHWARTZ, Raymond ; ... Kun siaspeca spico!

5.0000/5 (1 voĉo)

Vokalaj nuancoj 2

"Silento valoras oron!" - Tio estas moto.
"Ĉiuj silentas." - Tio estas muto.
"Virino silentas." - Tio estas mito.

Fonto: SCHWARTZ, Raymond ; ... Kun siaspeca spico!

3.5000/5 (2 voĉoj)
La Aforismoj, Esperantaj vortoj, Virinoj

Vokalaj nuancoj 1

Vi havas nur malgrandan ĉambron kaj tamen loĝigas ĉe vi unu senhejmulon. Tio estas kompato.
Vi havas nur malgrandan ĉambron kaj tamen loĝigas ĉe vi dudek senhejmulojn. Tio estas kompoto.

Fonto: SCHWARTZ, Raymond ; ... Kun siaspeca spico!

4.5000/5 (2 voĉoj)
La Aforismoj, Esperantaj vortoj

Vortokresko

Por oportuna kuŝo - unu lito.
De kuŝo ĝis "akuŝo" - unu litero.
Akuŝo: ofta konsekvenco de - unu literaro.

Fonto: SCHWARTZ, Raymond ; ... Kun siaspeca spico!

5.0000/5 (2 voĉoj)
La Esperantaj vortoj, Sekso

Progreso

Adamo kaj Evo estis solaj sur la Tero. Kaj tamen, unu tagon - neniu scias, de kie - venis tria homo. Li estis viro. Videble. Kaj li diris al Adamo:
"Mi tre dezirus pasigi unu duonhoron kun via edzino. Ĉu vi bonvolas doni ŝin al mi?"
"Doni?" miris Adamo. "Doni? Certe ne! Sed, se temas nur pri unu duonhoro, vi povas lui ŝin."
"Lui ŝin? Jen bona ideo!" ekĝojis la tria homo, kaj kun plezuro li konstatis:
"Kiel simple kaj senkonflikte! Jam komenciĝis la progreso!"
"Jes", konkludis Adamo, "progreso dank' al... Evoluo!"

Fonto: SCHWARTZ, Raymond ; ... Kun siaspeca spico!

4.5000/5 (2 voĉoj)
La Esperantaj vortoj, Geedzeco, Religio, Sekso

Kafopaŭzo

Faru kune kafopaŭzon, vi ne havos... pafokaŭzon!

Fonto: SCHWARTZ, Raymond ; ... Kun siaspeca spico!

5.0000/5 (2 voĉoj)
La Aforismoj, Esperantaj vortoj

Danĝera varo

Juna sinjorino, ĵusa patrino, iris en magazenon kaj sin turnis al flegma komizo:
"Mi deziras aĉeti tolon por fari littukojn al mia bebo."
"Bone", opiniis la komizo, "ni havas tre varian sortimenton. Kiom vi volas elspezi?"
"Nu, kiel eble plej malmulte. Vi scias, kiaj estas beboj. La mia estas terura. Apenaŭ mi metis puran vindaĵon, jam li malsekigis ĝin. Kaj dum la tuta tago. Ekzistas certe malmultekosta, tiacela tolo."
"Jes, sinjorino, tiacela tolo ekzistas, sed - ĉu vi havas la necesan permeson por aĉeti armilon?"
"Kion vi diras? Mi ja tute ne intencas aĉeti armilon!"
"Permesu! Armilo aŭ ne armilo, se mi ĝuste komprenas, vi deziras aĉeti pistolon!"

Fonto: SCHWARTZ, Raymond ; ... Kun siaspeca spico!

4.0000/5 (2 voĉoj)
La Esperantaj vortoj, Infanoj