Geedzeco | Ridejo

Ŝerco 700

Edzino: „Ĉu vi jam parolis kun tiu viro, kiu savis min kontraŭ dronmorto?“
Edzo: „Jes, tuj hieraŭ, dum tri horoj li pardonpetadis min.“

Fonto: Jozef Borský, 1111 anekdotoj en Esperanto

Ŝerco 701

Virino: „Hieraŭ mi devis trioble vangofrapi mian edzon.“
Amikino: „Kial, ĉu li kontraŭstaris?“
Virino: „Ne, por ke li vekiĝu.“

Fonto: Jozef Borský, 1111 anekdotoj en Esperanto

Ŝerco 702

Eblas harmonii kun ĉiu virino, kiam oni ne kontraŭas al ŝi.

Fonto: Jozef Borský, 1111 anekdotoj en Esperanto

Ŝerco 703

Inter najbarinoj: „Mia edzo revenis el banejo sen geedzringo. Mi nun ne scias, ĉu li ĝin fordrinkis aŭ kaŝante perdis.“

Fonto: Jozef Borský, 1111 anekdotoj en Esperanto

Ŝerco 704

Telefonas al riparejestro lia edzino: „Sendu ĉi tien ripariston de akvotubo.“
„Mi sendos al vi Karlon.
„Tiun ne.“
„Kial?“
„Li estas tro maljuna.“

Fonto: Jozef Borský, 1111 anekdotoj en Esperanto

Ŝerco 705

Demandas edzo sian edzinon: „Kial vi ŝminkas vin?“
„Por ke mi estu bela.“
„Kaj kial vi ne estas?“

Fonto: Jozef Borský, 1111 anekdotoj en Esperanto

Ŝerco 685

Demandas vespere malgranda lernantino sian patrinon, kio estas katastrofo.
Patrino hezite: „Mi ne scias, kiel tion priskribi.“
Patro el najbara ĉambro vokas: „Ne priskribu, montru!“

Fonto: Jozef Borský, 1111 anekdotoj en Esperanto

Edzino al edzo la 8-an de marto: „Ĉiuj edzoj ĝojigas siajn edzinojn almenaŭ je Internacia tago de virinoj, kaj de vi - nenio.“
Edzo: „Ja mi manĝis tiun tre trosalitan vespermanĝon sen unu sola kontraŭdiro!“

Fonto: Jozef Borský, 1111 anekdotoj en Esperanto

Ŝerco 687

Ŝi kaj li en la lito. Sonoras telefono. Ŝi: „Jes, jes... bone, ĝis poste.“
Li: „Kiu telefonis al vi?“
Ŝi: „Tio estis nur mia edzo, li diris, ke li ne venos ĉi-nokte hejmen, ĉar li ludas ŝakon kun vi.“

Fonto: Jozef Borský, 1111 anekdotoj en Esperanto

Ŝerco 688

Venas lezita viro al doktoro kaj tiu demandas lin: „Kie tio okazis al vi?“
La paciento: „Mi estas migranta vendisto. Mi revenis hejmen, jam kun la edzino ni kuŝis en lito, iu sonorigis, mia edzino ekkriis: ,Tio estas mia edzo!‘ Kaj mi saltis el fenestro.“

Fonto: Jozef Borský, 1111 anekdotoj en Esperanto