Geedzeco | Ridejo

„Laŭdire vi ekkonis vian edzinon dum libertempo.“
„Ne, tie mi edziĝis, vere mi ekkonis ŝin nur hejme.“

Fonto: Jozef Borský, 1111 anekdotoj en Esperanto

„Karulo, kion vi dezirus se faladus stelo?“
„Ke ĝi ne trafu min!“

Fonto: Jozef Borský, 1111 anekdotoj en Esperanto

„Sinjoro advokato, mi volus divorci, sed diskrete.“
„Kion vi celas?“
„Nu, por ke mia edzino pri tio ne eksciu!“

Fonto: Jozef Borský, 1111 anekdotoj en Esperanto

„Dum tri tagoj mi ne povis dormi pro tusado de mia edzino.“
„Do alvoku kuraciston!“
„Nenecesas. Mi forveturos por 19 tagoj por deĵorvojaĝo.“

Fonto: Jozef Borský, 1111 anekdotoj en Esperanto

Malicemo estas, kiam edzino kredencas al vi bieran fromaĝon, vinajn kolbasojn kaj glason da mineralakvo.

Fonto: Jozef Borský, 1111 anekdotoj en Esperanto

Edzino al la edzo: „Ordiĝu iom!“
La edzo: „Kial, ĉu vi iun atendas, aŭ ni ien iros?“

Fonto: Jozef Borský, 1111 anekdotoj en Esperanto

Edzino al la edzo: „Antaŭ vi mi havis ok adorantojn kaj ĉiuj estis pli saĝaj ol vi.“
„Ili ankaŭ pruvis tion.“

Fonto: Jozef Borský, 1111 anekdotoj en Esperanto

Demandas onklino sian tridekjaran nevon: „Ĉu vi ne pripensas geedzecon?“
„Ja mi pripensas, se mi ne pripensus, jam delonge mi estus edziĝinta.“

Fonto: Jozef Borský, 1111 anekdotoj en Esperanto

Edzino dum balo al sia edzo: „Ĉu vi deziras finfine peti min pri danco?“
La edzo: „Memkompreneble, ja mi ne estas ĉi tie nur por amuziĝi.“

Fonto: Jozef Borský, 1111 anekdotoj en Esperanto

„Kara, ĉu vi dezirus edziniĝi al mi?“
„Jam dufoje mi diris, ke ne.“
„Ho, pardonu min, ĉu tio estis vi?“

Fonto: Jozef Borský, 1111 anekdotoj en Esperanto