Geedzeco | Ridejo

Ŝerco 725

„Ĉu vi do fine ne edziĝos je fraŭlino Terezio? Ŝi estas ja riĉa, kaj ankaŭ ne malbela.“
„Nu jes, sed ŝia pasinteco...“
„Mi certigas vin, ke ŝia estinteco estas senmakula kaj pura.“
„Ho amiko, tion ĉi mi kredas, sed ĝi estas tre longa...“

Fonto: Jozef Borský, 1111 anekdotoj en Esperanto

Ŝerco 726

Edzino revenis hejmen post novjara vizito de siaj gepatroj kaj demandas: „Kiel ĉi tie aperis tiu amaso da malplenaj boteloj?“
Edzo: „Mi ne scias, dum mia vivo mi aĉetis neniun malplenan botelon.“

Fonto: Jozef Borský, 1111 anekdotoj en Esperanto

Ŝerco 727

„Kial vi kun edzo ĉiam antaŭ Kristnasko tiel terure kverelas?“
„Li devas ĉiam bati tapiŝon kaj kiam li estas kolerigita, li batas pli forte.“

Fonto: Jozef Borský, 1111 anekdotoj en Esperanto

Ŝerco 728

Fieras najbarino: „Mi dekutimigis mian edzon mordi siajn ungojn.“
„Kiel?“
„Mi kaŝis liajn dentojn.“

Fonto: Jozef Borský, 1111 anekdotoj en Esperanto

Ŝerco 729

Edzino al la edzo: „Kion vi aĉetis al nia filino por la naskiĝtago?“
„Kompaktdiskon.“
„Ĉu tio ne estas iom malmulte?“
„Ja tie ludas sesdek muzikistoj!“

Fonto: Jozef Borský, 1111 anekdotoj en Esperanto

Ŝerco 730

Ĉe krucenigmo: „Ĉu vi scias, kio ĝi estas? Ĝi vivas kun mastro, bojas kaj la vorto konsistas el kvin literoj.“
„Se ĝi estus el ses literoj, do tio estus mia edzino.“

Fonto: Jozef Borský, 1111 anekdotoj en Esperanto

Ŝerco 731

Ŝi flustras tenere: „Kiam ni geedziĝos, mi volas dividi kun vi ĉiujn malfacilaĵojn kaj suferojn.“
„Sed mi havas neniujn malfacilaĵojn.“
„Ja mi diras – kiam ni geedziĝos.“

Fonto: Jozef Borský, 1111 anekdotoj en Esperanto

Ŝerco 732

Inter amikinoj: „Verŝajne mi eksedziĝos, Karlo ne plenumas la edzajn devojn.“
„Ĉu tia bela, forta viro? Almenaŭ taskigu lin gladi tolaĵojn.“

Fonto: Jozef Borský, 1111 anekdotoj en Esperanto

Ŝerco 713

„Kiel vi amuziĝis dum Novjara balo, Zuzana?“
„Bonege. Mi ricevis kvin ĝeedziĝ-proponojn kaj mi ĉiujn akceptis!“

Fonto: Jozef Borský, 1111 anekdotoj en Esperanto

Ŝerco 714

Li estas atentinda homo. Eĉ en la geedzeco li ne perdis bonhumoron.

Fonto: Jozef Borský, 1111 anekdotoj en Esperanto