Infanoj | Ridejo

Ŝerco 855

Gepatroj sendis sian filon al avo por 14 tagoj. Post ĉi tiuj 14 tagoj ili sendis al la avo telegramon: „Nepon ne sendu reen, ĉi tie furiozas uragano.“
La avo respondis: „Mi sendas la nepon, prefere sendu uraganon.“

Fonto: Jozef Borský, 1111 anekdotoj en Esperanto

Ŝerco 856

Demandas maljuna kamparano en Prago junulon: „Mi petas, kiel plej bone mi sukcesus veni en muzeon?“
La junulo: „Lasu vin remburi!“

Fonto: Jozef Borský, 1111 anekdotoj en Esperanto

Ŝerco 857

Admonas maljunulo knabeton: „Knabeto, knabeto, ĉu vi ne komencis fumi iom tro fure?“
„Kial tro fure? Ja post momento estos tagmezo.“

Fonto: Jozef Borský, 1111 anekdotoj en Esperanto

Ŝerco 858

Patro al la filo dum promeno: „Rigardu, tie flugas cikonio.“
La filo kolermiene: „Ne komencu denove kun tiuj biologiaj fabeloj.“

Fonto: Jozef Borský, 1111 anekdotoj en Esperanto

Ŝerco 859

Patro punas la filon kaj la patrino diras: „Ĉu mi ne diris al vi jam kelkfoje, ke vi kalkulu ĝis dek, ĝis kiam finiĝos via kolero?“
La patro: „Mi kalkulas, sed dume mi genuas sur li, por ke li ne foriru.“

Fonto: Jozef Borský, 1111 anekdotoj en Esperanto

Ŝerco 860

Patrino: „Ne, tiu filmo estas al junularo malpermesita, mi ne lasas vin iri. Preferu atendi, kiam oni elsendos ĝin en televido.“

Fonto: Jozef Borský, 1111 anekdotoj en Esperanto

Ŝerco 861

„Mi gratulas, mi aŭdis, ke al vi naskiĝis ido. Ĉu tiu estas knabo?
„Ne“
„Ĉu knabino?“
„Jes, kiel vi tion divenis?“

Fonto: Jozef Borský, 1111 anekdotoj en Esperanto

Ŝerco 862

Knabeto staras antaŭ spegulo kaj pudras sin. Lia fratineto rigardas tion kaj diras: „Vi ne rajtas pudri vin. Nur virinoj pudras sin. Viroj devas lavi sin.“

Fonto: Jozef Borský, 1111 anekdotoj en Esperanto

Ŝerco 863

Patrino al al filo: „Memoru, kion vi povas fari hodiaŭ, ne prokrastu ĝis morgaŭ.“
Filo: „Bone, mi manĝos tiun pecon da torto, kiun vi kaŝis por morgaŭ.“

Fonto: Jozef Borský, 1111 anekdotoj en Esperanto

Ŝerco 864

„Kiun profesion havos via filo post kiam li finos la lernejon?“
„Mi ne scias – sed li amas bestojn, do eble li estos bučisto.“

Fonto: Jozef Borský, 1111 anekdotoj en Esperanto