Tajpu per la X-metodo kaj la ĉapeloj aŭtomate aperos.
Ridejo

Infanoj

En ĉi tiu kategorio estas 160 tekstaj ŝercoj.

Bona knabo

-Diru knabo, kiam jara vi estas?
-Kvin, sed mia patro promesis, se mi bone kondutas, tiam venontjare mi fariĝos ses.

Fonto: NATURISTA VIVO N-ro 121 (1/2016)

3.0000/5 (1 voĉo)
La Infanoj

Ŝerco 1873

Gefianĉa paro promenadas sur la akvobordo.
La fianĉino rigardas al la ĉielo plenkovrita de steloj, kaj eksuspiras:
-Se ni geedziĝos, ni havos 3 gefilojn.
-De kie vi scias tion tiel precize? - demandas la fianĉo.
-Ĉar ili estas nun ĉe mia patrino. - sonas la respondo.

Fonto: NATURISTA VIVO N-ro 121 (1/2016)

4.0000/5 (1 voĉo)
La Geedzeco, Infanoj

Ŝerco 1869

-Paĉjo, se mi fariĝos plenkreskulo, mi edziĝos al Zsuzsi.
-Nu, al la geedziĝo oni bezonas du, mia filo.
-Do, mi edziĝos ankaŭ al Móni.

Fonto: NATURISTA VIVO N-ro 121 (1/2016)

5.0000/5 (1 voĉo)
La Amo, Geedzeco, Infanoj, Virinoj

Danĝera varo

Juna sinjorino, ĵusa patrino, iris en magazenon kaj sin turnis al flegma komizo:
"Mi deziras aĉeti tolon por fari littukojn al mia bebo."
"Bone", opiniis la komizo, "ni havas tre varian sortimenton. Kiom vi volas elspezi?"
"Nu, kiel eble plej malmulte. Vi scias, kiaj estas beboj. La mia estas terura. Apenaŭ mi metis puran vindaĵon, jam li malsekigis ĝin. Kaj dum la tuta tago. Ekzistas certe malmultekosta, tiacela tolo."
"Jes, sinjorino, tiacela tolo ekzistas, sed - ĉu vi havas la necesan permeson por aĉeti armilon?"
"Kion vi diras? Mi ja tute ne intencas aĉeti armilon!"
"Permesu! Armilo aŭ ne armilo, se mi ĝuste komprenas, vi deziras aĉeti pistolon!"

Fonto: SCHWARTZ, Raymond ; ... Kun siaspeca spico!

4.0000/5 (2 voĉoj)
La Esperantaj vortoj, Infanoj

Pendigante pentraĵon

Sesjara Sandor kuras ploregante al sia patrino.
„Pendigante pentraĵon Paĉjo batis al si la dikan fingron!”
„Plej verŝajne tio ne estis tiom malbona” sonis la konsolanta respondo de la patrino. Granda knabo ne bezonas plori pro tia bagatelo. Pli bone estas ridi!”
„Jes, ĝuste tion mi faris”, singultis la sesjara knabo.

Fonto: Esperantista Vegetarano, n-ro 2, 2010. Verkis Bob FELBY

4.0000/5 (1 voĉo)
La Infanoj, Patrinoj

Avo kaj nepino

En la sino de avoĉjo sidadas nepineto kaj rigardadas la faltojn de la maljunulo:
– Kio estas tiuj aĵoj sur via vizaĝo, avĉjo?
– Faltoj.
– Kaj ĉu ilin donis Dio al vi?
– Jes, li kreis min jam antaŭlonge.
La knabineto palpadas sian propran vizaĝon:
– Ĉu ankaŭ min kreis Dio?
– Jes, sed vin antaŭ nelonge.
– Laŭ tio Dio estas nun jam multe pli lerta, ĉu?

Fonto: Esperantista Vegetarano, n-ro 1, 2011. Esperantigis: Imre SZABÓ

4.0000/5 (1 voĉo)
La Infanoj, Religio

Ĉu manĝi aŭ ne manĝi?

Panjo disputas kun la filineto, kiu ne volas manĝi la okzalaĵon:
– Kion vi pensas, filineto – kio okazas al tiuj, kiuj ne manĝas la manĝaĵon?
– Ili restos sveltaj, kaj ili iĝos famaj modeloj, kaj ili perlaboros sakojn da mono!

Fonto: Esperantista Vegetarano, n-ro 1, 2011. Esperantigis: Imre SZABÓ

4.0000/5 (1 voĉo)
La Blondulinoj, Infanoj

Sendoloriga dentkuracisto

Malgranda knabo post vizito al sendoloriga dentkuracisto raportis al siaj kamaradoj:
„Estas nur mensogo, ke li estas sendolora. Li enmetis siajn fingrojn en mian buŝon, kaj kiam mi mordis lin, li kriegis same kiel ĉiuj aliaj!”

Fonto: Esperantista Vegetarano, 2007. Verkis Bob FELBY

3.0000/5 (1 voĉo)
La Infanoj, Kuracistoj kaj pacientoj

Bakitaj pomoj

Filo: Paĉjo, ĉu vi ŝatas bakitajn pomojn?
Patro: Jes. Kial vi demandas?
Filo: Okazas fajrego en la fruktoarbaro.

Fonto: Esperantista Vegetarano, n-ro 1, 2018. Esperantigis Luiza CAROL

3.5000/5 (2 voĉoj)
La Infanoj

Manĝu ĉiutage pomon, kuracistoj evitos vian domon

Filo: Paĉjo, ĉu veras la proverbo „Manĝu ĉiutage pomon: kuracistoj evitos vian domon”?
Patro: Jes, ĝi veras.
Filo: Do, mi manĝu pomon kiel eble pli rapide. Mi ĵus frakasis la fenestron de la kuracisto...

Fonto: Esperantista Vegetarano, n-ro 1, 2018. Esperantigis Luiza CAROL

4.0000/5 (2 voĉoj)
La Infanoj