Komputiloj | Ridejo

Diskutoj de uzantoj de komputiloj

Diskutoj de Linukso-uzantoj: Kiun distribuaĵon vi uzas? Kun kiu grafika medio? Ĉu X.org aŭ Wayland? Kun kiu pakaĵa sistemo? En kiu versio? Ĉu vi mem kompilas la programojn? Ĉu la kernon? Kiu komando estas la plej amuza?

Diskutoj de Vindozo-uzantoj: Saluton, kiel vi fartas hodiaŭ?

Ŝerco 1671

Kiun operaciumon uzas riistoj? Rinukson.

Post divorco

Dum divorcado oni demandas la infanon: Ĉe kiu gepatro vi ŝatus resti?
- Dependas al kiu vi aljuĝos komputilon.

Ŝerco 1556

Telefonas sinjorino en helpo-centron: „Bonan tagon, hieraŭ mi aĉetis Vindozon Vista.“
„Ho, tio estas bonega, dankon!“
„Sed hodiaŭ tuta sistemo falis!“
„Mi scias, antaŭ momento vi diris tion...“

Fonto: Jozef Borský, 1111 anekdotoj en Esperanto

Bulkoj kaj ovoj

Virino petas sian edzon-komputiliston: “Bonvolu iri al la vendejo kaj aĉetu bulkon. Se ili havas ovojn, aĉetu 12.”

Li revenas hejmen kun 12 bulkoj.

Kodo de vivo

Vivo estus pli facila se ni havus ĝian fontokodon.

Kuracmetodoj

Al kuracisto venas zorgemaj gepatroj kaj diras:
- Ni ne povas konvinki nian filon, ke li foriru de sia komputilo.
- Nu, do ni devas lin kuraci.
- Sed kiel?
- Normale. Per knabinoj, cigaredoj, biero...

Li kaj ŝi

En aŭtobuso sidas du homoj. Li kaj ŝi. Ŝi rigardis lin, li rigardis ŝin.
- Komputisto (pensis studentino).
- Studentino (pensis senhejmulo).

Studentoj

Kia estas diferenco inter studentoj de informadiko?
- Studento de unua jaro pensas, ke 1 kilobajto egalas 1000 bajtoj.
- Studento de kvina jaro pensas, ke 1 kilometro egalas 1024 metroj.

Memoro

Dum naskiĝtago de informadikisto iu donacas lin. Li malfermas pakaĵon, vidas memorbastoneton kaj diras:
- Dankon por la memoro.