Krimuloj kaj juĝistoj

Ŝerco 970

Juĝisto: „Akuzito, kial vi prirabis dufoje la saman vendejon?!“
„Ĉar tie oni havis surskribon: Se vi estos ĉe ni kontentaj, vizitu nin denove.“

Fonto: Jozef Borský, 1111 anekdotoj en Esperanto

Ŝerco 971

Juĝisto: „Akuzito, ĉu ekzistas iu mildiga cirkonstanco, kial vi faris enrompon en tiun aŭton?“
„Jes ja, tiu aŭto estis parkita tuj antaŭ tombejo kaj mi opiniis, ke la posedanto mortis.“

Fonto: Jozef Borský, 1111 anekdotoj en Esperanto

Ŝerco 972

Ĉe tribunalo: „Mi falis en tiun vitrinon ne tial, ĉar mi estis ebriiĝinta, sed post vangofrapo de iu fraŭlino, al kiu mi maldece ekkriadis.“

Fonto: Jozef Borský, 1111 anekdotoj en Esperanto

Ŝerco 973

Arestito, kondamnita por dek jaroj, forkuris kaj haltis hejme. Lia edzino ektimis: „Dio mia, ĉu estas jam la jaro 2019?“

Fonto: Jozef Borský, 1111 anekdotoj en Esperanto

Ŝerco 974

Kiom estas 2 plus 2?
Inĝeniero: „Tio estas precize 4,0000000.“
Ekonomiisto : „Tio estas io inter 3 kaj 4, sed mi ne certas.“
Juristo: „Kiom vi deziras, ke tio estu?“

Fonto: Jozef Borský, 1111 anekdotoj en Esperanto

Ŝerco 975

„Oni ŝtelis vian aŭton kaj vi eĉ ridas pri tio?“
„Jes ja, certe ke mi ridas, en ĝi ja estis ankaŭ mia bopatrino!“

Fonto: Jozef Borský, 1111 anekdotoj en Esperanto

Ŝerco 954

Ekzekutisto kondukas kondamniton al ekzekuto. Pluvas, furiozas vento, hajlas. La kondamnito diras: „Kia malbonega vetero!“
La ekzekutisto: „Feliĉa vi! Sed mi devas en tiu veteraĉo reveni!“

Fonto: Jozef Borský, 1111 anekdotoj en Esperanto

Ŝerco 955

Esploristo, alvokita en loĝejon, kie okazis rabatako: „Antaŭ ĉio ni deprenos fingropremaĵon.“
Sinjorino nekuraĝe: „Mi ne scias, antaŭ mallonga tempo mi banis min.“

Fonto: Jozef Borský, 1111 anekdotoj en Esperanto

Ŝerco 956

Tribunalestro al malliberulo, kiu forkuris el malliberejo: „Kial vi forkuris?“
„Mi deziris edziĝi.“
„Vi havas strangan koncepton de libereco!“

Fonto: Jozef Borský, 1111 anekdotoj en Esperanto

Ŝerco 957

Juĝisto: „Akuzito, hontu! En tia maljuna aĝo ankoraŭ ŝteli televidilon!“
„Estimata juĝisto! Dum mia juneco televidiloj ankoraŭ ne ekzistis!“

Fonto: Jozef Borský, 1111 anekdotoj en Esperanto