Kuracistoj kaj pacientoj

Ulo ĉe seksologiistino

Venas ulo al seksologiistino kaj demandas: "Ĉu vi akceptas ĉi-tiun karton?"
"Montru… Jes, tio estas karto de via medicina asekuro. Kion mi povas fari por vi?"
"Mi ne povas atingi erekton."
"Bone, senvestiĝu kaj ni rigardu."
Ŝi sperte umas kun lia peniso kaj ĝi tuj erektiĝas.
Li diras: "Pardonu, mi mise priskribis tion. Fakte mi ne povas atingi orgasmon."
Do ŝi denove umas kun la peniso kaj la ulo baldaŭ orgasmas.
Ŝi: "Kion ĉi-tio signifas?! Vi tuj povus seksumi kun ĉiuj putinoj el la amor-strateto!"
"Sed tie oni ne akceptas ĉi-tiun karton…"

Sanproblemoj de bestoj

Renkontiĝas du hundoj:
"Kien vi iras?"
"Al kuracisto kun puloj."
"Strange. Mi havas pulojn kelkajn jarojn kaj ili neniam estis malsanaj."

Paciento ĉe psikologo

Paciento: La homoj min ignoradas, mi sentas min kvazaŭ nevidebla.
Psikologo: Hu? Kiu ĵus diris tion?!

Vizito ĉe urologo III

Balbutanta viro venas al urologo. Tiu lin ekzamenas kaj konstatas:
-Via peniso estas konsiderinde tro longa, ni duonigu ĝin.
-Ĉ-ĉ-ĉu v-v-vere?
-Ĵes; estas mirinde, sed tio forigos via balbutadon.
Do, bone, la viro konsentas, kaj baldaŭ poste okazas la operacio, kiu iras tute glate. Post unu semajno tamen la viro revenas al la urologo dirante:
-Sinjoro kuracisto, de la operacio mi ne plu balbutas, tamen mia edzino estas seksume ne plu kontenta, kaj tio estas pli malbona ol la balbutado. Ĉu eblus iel malfari la mallongigon?
La urologo kapneas:
-T-t-tro m-m-malfrue!

Vizito ĉe urologo II

Viro venas al urologo, kaj necesas ekzamenado.
-Kien mi metu mian kalsonon? demandas la viro.
-Vi povas ĝin meti tien, apud mian! respondas la urologo.

Vizito ĉe urologo I

Viro havas ekzamenadon ĉe urologo. Tiu klarigas:
-Ne miru; kiam mi nun enigos miajn fingrojn en vian anuson, povos okazi pretervolaj erektoj.
La urologo eklaboras, kaj la viro diras:
-Ho, mi tamen nenion sentas.
Respondas la urologo:
-Uuu, ja ne temis pri vi!

Junulino ĉe dentisto

Junulino venas al dentisto kun kapaŭskultilo sur la kapo.
La dentisto petas ŝin, ke ŝi deprenu ĝin, antaŭ ol ili komencos. Ŝi rifuzas.
Li denove petas tion. Ŝi denove rifuzas.
Do li mem kolere deprenas ĝin.
Post momento ŝi subite falas kaj estas senviva.
Li estas konfuza kaj volas ekscii, kio okazis. Do li surmetas la kapaŭskultilon kaj aŭdas: "Enspiro…elspiro…enspiro…elspiro…"