Nigra humuro | Ridejo

Ŝerco 1225

„Kiel nomiĝas homo, al kiu mankas maldekstra okulo, maldekstra orelo, maldekstra mano kaj maldekstra kruro?“
„All right.“

Fonto: Jozef Borský, 1111 anekdotoj en Esperanto

Ŝerco 1226

„Ĉu vi scias, kio atendas ŝaktiston post morto?“
„Tri tagoj da libertempo kaj denove subteren.“

Fonto: Jozef Borský, 1111 anekdotoj en Esperanto

Kuŝas bopatrino sur mortolito, rigardas tra fenestro kaj diras al sia bofilo:
„Vidu, Rudko, rigardu la belegan tagon ekstere kaj kiel bele brilas la suno. Homo eĉ ne emas morti.“
Bofilo alkuras al fenestro, surtiras kurtenon kaj diras: „Ne distriĝu panjo, koncentriĝu.“

Fonto: Jozef Borský, 1111 anekdotoj en Esperanto

Ŝerco 1228

Avino falas el kvara etaĝo. Sube amasiĝas ĉirkaŭ ŝi multaj homoj. Venas ŝia nepo kaj demandas: „Avino, kio okazis?“
Avino: „Mi ne scias, mi ĵus alvenis.“

Fonto: Jozef Borský, 1111 anekdotoj en Esperanto

Ŝerco 1214

Venas blindulo en vendejon, li prenas sian gvidhundon kaj ekturnas ĝin super kapo. Vendistino: „Dio mia, kion vi faras?“
Blindulo: „Mi nur trarigardas, kion vi havas ĉi tie.“

Fonto: Jozef Borský, 1111 anekdotoj en Esperanto

Ŝerco 1215

Iras viro de entombigo kaj renkontas unu amikon. Amiko demandas: „De kie vi iras?“
„Mi entombigis bopatrinon.“
„Kaj kial vi havas tiom gratvunditan vizaĝon?“
„Nu, vi scias, ŝi defendis sin...“

Fonto: Jozef Borský, 1111 anekdotoj en Esperanto

Ŝerco 1216

Renkontiĝas du doktoroj en tombejo: „Do, kolego, ĉu vi ankaŭ faras inventaradon?“

Fonto: Jozef Borský, 1111 anekdotoj en Esperanto

Ŝerco 1217

Venas muntisto en malsanulejan ĉambron, kie estas ĉiuj pacientoj dependaj de spiratoroj. Post momento li diras al ili: „Profunde enspiru, mi iras ŝanĝi elektrajn sekurigilojn.“

Fonto: Jozef Borský, 1111 anekdotoj en Esperanto

Ŝerco 1218

„Via rentgena foto montris, ke unu via vertebro estas rompita,“ diras doktoro al paciento. „Sed ne havu zorgojn, ni jam korektis tion per Photoshop.“

Fonto: Jozef Borský, 1111 anekdotoj en Esperanto

Ŝerco 1219

Mortofalĉisto veturpetas. Unu ŝoforo haltas kaj demandas: „Do, kien?“
„Nur ĝis tiu vojkurboĝo!“

Fonto: Jozef Borský, 1111 anekdotoj en Esperanto