Plej bonaj ŝercoj

Nekontento

Telefona interparolo de paro:

-Ĉu vi havas apetiton je kokaĵo?
#Ne
-Ĉu vi havas apetiton je kareaĵo?
#Ne
-Vi ne estos kontenta rilate tion, kion mi faris!
#Ho, ĉu vi do kuiris kokan kareaĵon?
-Ne, mi fikis la najbarinon.

Ŝerco 1873

Gefianĉa paro promenadas sur la akvobordo.
La fianĉino rigardas al la ĉielo plenkovrita de steloj, kaj eksuspiras:
-Se ni geedziĝos, ni havos 3 gefilojn.
-De kie vi scias tion tiel precize? - demandas la fianĉo.
-Ĉar ili estas nun ĉe mia patrino. - sonas la respondo.

Fonto: NATURISTA VIVO N-ro 121 (1/2016)

Greta

Fonto: Facebook

Birdlingvo

Kian lingvon parolas la birdoj?

La uzbekan.

Aplaŭdu

La plej Esperanta vorto - oni eĉ povas diri "la plej ĝisvoste Esperanta" - estas verŝajne la vorto APLAŬDU.
Se vi forstrekas ĝian kapon, tuj reestas nova kapo sur la korpo mallongigita. Entute kvin fojojn vi povas detranĉi la kapon kaj tamen restos en la fino ankoraŭ vivovokanta imperativo:
A/plaŭdu
P/laŭdu
L/aŭdu
AŬ/du
D/u
U

Fonto: SCHWARTZ, Raymond ; ... Kun siaspeca spico!

Almozpetuloj

Fine de tago en Parizo renkontiĝas du almozuloj, rumano kaj alĝeriano. La alĝeriano kolektis multajn 10-eŭrajn biletojn, dum la rumano ricevis nur kelkajn monerojn. Li demandas:
— Kiel vi sukcesis ricevi tiom multe da mono?
La alĝeriano respondas:
— Kion vi skribis sur vian kartonon?
— Nu kutimajn aferojn: “Mi malsatas, mi havas du infanojn”…
— Jen kial, stultulo! Sur mian mi skribis: “Mankas al mi nur 10 € por reveni al Alĝerio.”

Paciento ĉe psikologo

Paciento: La homoj min ignoradas, mi sentas min kvazaŭ nevidebla.
Psikologo: Hu? Kiu ĵus diris tion?!

Veturpetanta morto

Ebriulo kondukas aŭton el drinkejo kaj subite vidas veturpetantan morton.
Do li haltigas, malfermas fenestron kaj bonhumore demandas: "Do, kien, onklo?"
"Nur tien sub tiun monteton, en tiun akran kurbiĝon..."

En la kaĉo

Sola piloto en malgranda aeroplano flugas super la senfina ĝangalo.
Subite la motoro knaras, knaregas kaj misfunkcias plene. La aeroplano kraŝas, sed la piloto sukcesis ĝin tiel longe ekvilibrigi, ke li povas eliri el la vrako nevundite.
Tamen, jam kelkajn minutojn poste, kiam li eniras en malgrandan senarbejon, subite ĉirkaŭas lin sovaĝuloj armitaj. Laŭ la aspekto estas verŝajne kanibaloj.
-"Ho ve", li mizermienas, "nun mi sidas en la kaĉo!"
-NE, VI ANKORAŬ NE SIDAS, subite vokas mistera voĉo en lia kapo.
-"Ĉu ne? Kion mi faru?!"
-IRU AL LA TRIBESTRO, PRENU LIAN LANCON, KAJ MORTIGU LIN!
La viro tuj kuras al la tribestro, forŝiras ties lancon kaj traboras lin per multaj puŝoj. - Malviva!
-"Kaj nun?"
-NUN VI SIDAS EN LA KAĈO!

Sinmortigo

Onidire, sinmortigintoj neniam bedaŭras sian decidon...