Lastaj ŝercoj

Monstroj

Paciento pensis, ke sub lia lito estas monstroj. Post multaj sesio kun sia psikoterapiisto, li rezignis, ĉar ili entute ne helpis. Post iom da tempo la paciento kaj la psikoterapiisto renkontiĝas surstrate:
- Vi eĉ ne imagas, kiel bone mi sentas min. Mi iris al alia terapiisto kaj li kuracis min dum unu sesio.
- Kiel li tion faris?
- Li diris, ke mi devas fortranĉi la piedojn de mia lito.

Sango

Paciento estas certa, ke li estas morta. Ĉiuj provoj de psikiatro konvinki lin, ke li plu vivas, restas sensukcesaj. Finfine psikiatro senespere demandas:
- Ĉu en kadavroj cirkulas sango?
- Kompreneble, ke ne.
Psikiatro prenas kudrilon kaj pikas pacieton. Aperas guto de sango.
Psikiatro:
- Kaj kion nun vi diros?
Paciento:
- Mi eraris. En kadavroj cirkulas sango.

Duŝo

Mateno. Edzo kun postebrio kaj ofendita edzino sidas komune ĉe tablo. Morna silento. Finfine edzino krias:
- Hieraŭ vi revenis tute ebria!
- Mi? Mi ne estis tiom ebria.
- Ne? Do kiu hieraŭ petis sur genuoj duŝon en banĉambro por ke ĝi ĉesu plori?

Neĝo

- Kion la plej unue lernas eta eskimo?
- Ne manĝi flavan neĝon.

Impostoj

Ĵurnalisto intervjuas kanibalon:
- Ĉu en via lando vi pagas impostojn?
- Ne.
- Kial ne?
- Ni manĝis ministron de financoj kaj nun neniu kuraĝas okupi lian postenon.

Fideleco

En lito viro kun virino brakumas unu la alian.
Virino: Kara, ni promesis unu al la alia eternan fidelecon. Sed mia edzo diris al mi, ke li vidis vin promenante kun via edzino man-en-mane!

Maldungado

Ĉefo vokas laboristojn kaj diras:
- Mi havas malbonan novaĵon. Por ŝpari monon mi devas maldungi iun de vi.
- Min ne, ĉar mi estas malplimulto kaj mi povas akuzi vin je rasismo - rapide reagas nigrulo.
- Mi estas virino kaj se vi maldungos min, mi tuj iros al juĝejo kaj akuzos vin je seksismo - diras sekretarino.
- Se vi maldungos min, mi akuzos vin je diskriminacio pro aĝo - diris sepdekjara laboristo.
Tiam ĉiuj rigardis sendefendan, junan, blankan kaj sanan laboristan. Tiu cerbumis dum momento kaj diris:
- Lastatempe ŝajnas al mi, ke mi iĝis samseksemulo.

Malbona kombino

- Kio estas la plej malbona kombino de du malsanoj?
- Alzheimer kaj lakso. Vi kuras, sed ne memoras kien.

Ora fiŝeto

Parolas amikoj:
- Kion vi farus, se vi kaptus oran fiŝeton, kiu realigas revojn?
- Mi petus de ĝi monon.
- Kaj mi amon.
- Kaj mi fritus ĝin sur pato.
- Kial?
- Lastatempe mi petis de ĝi amon kaj amikecon. Nun sekvas min enamiĝintaj samseksemuloj kaj virinoj diras al mi "ni restu amikoj".

Studento

Kio estas la tri plej grandaj mensogoj de studentoj?
- Ekde morgaŭ mi ne drinkos.
- Ekde morgaŭ mi lernos.
- Dankon, mi ne estas malsata.