Lastaj ŝercoj

Ĉe doganejo

„Ĉu avo malbonhumoriĝis, kiam la doganistoj senvestigis lin serĉante drogojn en la doganejo?”
„Tute ne, ili trovis liajn okulvitrojn, kiuj mankis al li dum semajnoj!”

Fonto: Esperantista Vegetarano, 2007. Verkis Bob FELBY

Laboro

„Vi laboris por fremda potenco!”
„Ne, tio neniel povas esti ebla, neniu potenco en la mondo povas laborigi min!”

Fonto: Esperantista Vegetarano, 2007. Verkis Bob FELBY

Malgranda knabo post vizito al sendoloriga dentkuracisto raportis al siaj kamaradoj:
„Estas nur mensogo, ke li estas sendolora. Li enmetis siajn fingrojn en mian buŝon, kaj kiam mi mordis lin, li kriegis same kiel ĉiuj aliaj!”

Fonto: Esperantista Vegetarano, 2007. Verkis Bob FELBY

Tortoj

A: Kiaspeca torto estas tiu ĉi?
B: Mi ne scias. Je kio ĝi gustas?
A: Ĝi gustas je gluo.
B: Do, ĝi estas pomtorto. Tiu kiu gustas je sapo estas la pruntorto.

Fonto: Esperantista Vegetarano, n-ro 1, 2018. Esperantigis Luiza CAROL

Bakitaj pomoj

Filo: Paĉjo, ĉu vi ŝatas bakitajn pomojn?
Patro: Jes. Kial vi demandas?
Filo: Okazas fajrego en la fruktoarbaro.

Fonto: Esperantista Vegetarano, n-ro 1, 2018. Esperantigis Luiza CAROL

Manĝu ĉiutage pomon, kuracistoj evitos vian domon

Filo: Paĉjo, ĉu veras la proverbo „Manĝu ĉiutage pomon: kuracistoj evitos vian domon”?
Patro: Jes, ĝi veras.
Filo: Do, mi manĝu pomon kiel eble pli rapide. Mi ĵus frakasis la fenestron de la kuracisto...

Fonto: Esperantista Vegetarano, n-ro 1, 2018. Esperantigis Luiza CAROL

Ĉu krokodili aŭ ne krokodili

Fonto: Facebook : Esperantaj Memeoj

Malsinkroniĝo

Fonto: Facebook

Ŝerco 1803

Dum leciono de matematiko
instruisto: Joĉjo, via patrino donos al vi 2 maĉgumojn kaj via patro 1 maĉgumon. Kion vi havos?
Joĉjo: Nu, freŝan spiron!

Fonto: Zvolensko

Pronomoj

En lernejo dum leciono de Esperanto.
instruisto: Norĉjo, diru 2 personajn pronomon!
Norĉjo: Kiu? Mi?
instruisto: Jes, bone!

Fonto: Zvolensko