Plej bonaj tekstaj ŝercoj

Ŝerco 1206

„Najbaroj invitis nin en ilian kabanon. Ĉu ni iros?
„Memkompreneble. Ĉu vi scias, kiel ili ĝojus, se ni ne venus?“

Fonto: Jozef Borský, 1111 anekdotoj en Esperanto

Ŝerco 1198

„Kial vi estas tiel malgaja, najbaro?“
„Do mi havas kvin filinojn sed nek unu bofilon.“
„Ne gravas, mi havas unu filinon kaj jam la kvinan bofilon.“

Fonto: Jozef Borský, 1111 anekdotoj en Esperanto

Ŝerco 935

Patro al sia sesjara filo: „Kiomfoje mi jam diris al vi, ke vi ne ludu kun alumetoj?“
„Mi ne ludis, mi bezonis ekbruligi cigaredon.“

Fonto: Jozef Borský, 1111 anekdotoj en Esperanto

Ŝerco 918

En familio naskiĝis trinaskitoj. Trijara frateto demandas: „Ĉu ĉi tie restos ĉiuj, aŭ oni sendis ilin al ni, por ke ni elektu?“

Fonto: Jozef Borský, 1111 anekdotoj en Esperanto

Ŝerco 623

Vizitanto ĉe giĉeto demandas pordiston: „Ĉu laboras ĉe vi sinjoro Nový?“
„Li ne laboras, li estas estro.“

Fonto: Jozef Borský, 1111 anekdotoj en Esperanto

Ŝerco 509

„Ĉu vi fakte intencas serioze tiun promeson ĉesi drinki?“
„Memkompreneble. Jam mi faris la unuan paŝon. Mi aĉetis al mi poŝtranĉilon sen korktirilo.“

Fonto: Jozef Borský, 1111 anekdotoj en Esperanto

Chuck uzas Linkon

Chuck Norris povas rigardi pornografion eĉ per nurteksta foliumilo.

- Imagu, mia edzino trompas min.
- Neeble, Kial vi suspektas.
- Mi estas certa. Aldone ŝi mensogas.
- Ĉu vi estas certa pri tio?
- Jes. Hodiaŭ matene ŝi venis hejmen
kaj diris, ke ŝi dormis ĉe sia fratino.
- Tio ne devas esti nepre mensogo.
- Mi dormis pasintnokte ĉe ŝia fratino.

Ŝerco 237

Juda knabo rakontas fiere al sia patro:
- Paĉjo, hodiaŭ mi ŝparis $0,50!
- Kiamaniere?
- Anstataŭ eniri en tramon, mi kuris post ĝi.
- Mia filo, vi estas vera simplulo. Se vi kurus post taksio, vi ŝparus $5,00!

Ŝerco 228

La virino solvis partopreni mediuman kunsidon por kontakti sian mortintan edzon. Kiam li fine aperis, ŝi tuj demandas:
- Ho, karulo, ĉu vi estas feliĉa tie?!
- Jes, mi estas feliĉega!
- Sed, ĉu vi estas pli feliĉa ol kiam vi kunvivis ĉe mi?!
- Jes, ja!
- Do, kiu estas tiu loko?!
- La INFERO!!!!!