Lastaj tekstaj ŝercoj

Ŝerco 221

Dum la juĝado la S-ro Juĝisto demandas al la virino:
- Ĉu la kuglo kiu trafis kaj mortigis vian edzon estis akcidento?
- Jes, S-ro Juĝisto. Estis nura akcidento.
- Do, ĉu ĉiuj sep pafadoj estis akcidento?!

Ŝerco 220

La frenezulo demandas al la alia frenezulo:
- Kion vi faras?
- Mi skribas leteron al mia amatino.
- Sed vi ne scias skribi!
- Ne gravas! Ŝi ankaŭ ne scias legi!

Ŝerco 219

Du frenezuloj babilas:
- Mi estas la Sendito de Dio sur la tero!
- Nu! Vi mensogas! Mi sendis neniun al la tero!

Ŝerco 218

La frenezulo klarigas al alia:
- Mi ricevis ĉi tiun leteron de mia frato.
- Sed, kial estas nenio skribita sur ĝi?!
- Ĉar mia frato ne parolas kun mi!

Ŝerco 217

La virino plendas al la psikiatro:
- Mia edzo freneziĝis, doktoro!
- Sed, kial vi tiel opinias?
- Ĉar ĉiutage li konversacias kun nia pordo.
- Ĉu vi vidis tion?
- Ne! La propra pordo diris al mi!

Ŝerco 216

La viro trovis lampon. Kiam li frotis ĝin, aperis feo kiu havigis unu deziron al li.
- Mi ĉiam havis revon: mi volas ke vi kreu ponton kiu kunligos Usonon al Japanio!
- Tia deziro estas malfacilega, preskaŭ neebla! Do, petu ion pli realigeblan.
- Do, donu al mi la kapablon kompreni la menson de ĉiuj virinoj sur la tero.
- Ĉu la ponto povas almenaŭ atingi Havajon?!!!

Ŝerco 215

Tri amikoj estis perditaj antaŭ multe da tempo en insulo. Iam, ili trovis lampon. Kiam ili frotis ĝin, aperis feo kiu havigis unu deziron al ĉiu el ili.
- Mi havas familion en Londono. Sendu min tien la plej rapide!
- Mi havas bonan vivon en Parizo. Sendu min tien la plej rapide!
- Restis apenaŭ vi. Kion vi deziras?
- Ĉi tie restis tiel silenta kaj malloga sen miaj amikoj! Mi deziras ke vi revenigu ilin la plej rapide!

Ŝerco 214

La viro trovis lampon. Kiam li frotis ĝin, aperis feo kiu diris:
- Mi havigos tri dezirojn al vi, sed mi avertas vin ke ĉio kion vi petos, via malamiko ricevos ĝin duoble!
- Unue, mi volas belan aŭtomobilon.
- En ĉi tiu ĝusta momento, via malamiko havas du belajn aŭtomobilojn.
- Nun, mi volas dek milionojn da realoj.
- En ĉi tiu ĝusta momento, via malamiko havas dudek milionojn da realoj.
- Ankoraŭ mankas unu deziro, ĉu ne?! Mi volas perdi unu okulon!

Ŝerco 213

La geedzoj ludis golfon kiam la edzo rompis la vitron de la fenestro de bela domo. Tiam, ili iris tien por peti pardonon. Ili sonorigis la sonorileton, sed neniu aperis. Tial, ili solvis eniri en la domon. Ili tuj rimarkis ke en la vizitĉambro estas viro kiu sidas en sofo. La viro tuj klarigas al ili:
- Mi estas feo, kaj vi liberigis min kiam via pilko rompis la botelon en kiu mi loĝas. Ĉar mi estas dankema, mi havigos unu deziron al ĉiu el vi.
- Mi volas kvindek milionojn da realoj – petis la edzo.
- En ĉi tiu ĝusta momento aperis kvindek milionoj da realoj en via konto.
- Mi volas belan domegon en Usono – petis la edzino.
- En ĉi tiu ĝusta momento aperis bela domego por vi en Usono. Sed mi ankaŭ volas peti ion de vi: mi volas seksumi kun via edzino!
La geedzoj, antaŭ tiel grandiozaj donacoj, ne sin ĝenis pro la peto de la feo kaj tuj konsentis. Iom poste, kiam li finis seksumi kun la virino en la dormoĉambro, li demandas al ŝi:
- Ĉu ja vi kaj via edzo kredas je feoj?!

Ŝerco 212

La pastro promenis tra la strato kiam li renkontis ebriulon kiu provis trapiki formikon per pikilo. Sed li neniam sukcesas trafi ĝin kaj respondas:
- Nu! Mi maltrafis!
La pastro petis ke li ĉesu fari tian hontindan agon. Tamen, li ne obeas kaj daŭre elparolas:
- Nu! Mi maltrafis!
Tiam, la pastro koleriĝis kaj diris:
- Mi esperas ke Dio lanĉos punon sur vin!
Tiam, el la ĉielo aperis fulmo kiu trafis kaj mortigis la pastron. Sekve, iu voĉo veninta el la ĉielo elparolis:
- NU! MI MALTRAFIS!