Tajpu per la X-metodo kaj la ĉapeloj aŭtomate aperos.
Ridejo

Politiko

En ĉi tiu kategorio estas 20 tekstaj ŝercoj.

Hotelo en Sovetunio

En Sovetunio vojaĝanto malfrue vespere venas en hotelon kaj petas ĉambron. Bedaŭrinde restis nur unu lasta loko en kvinpersona ĉambro. La vojaĝanto pro manko de alternativoj kaj laceco akceptas tion.
Sed liaj kvar kunloĝantoj daŭre maldormas, ludante kartojn, rakontante ŝercojn kaj laŭte klaĉante.
La vojaĝanto do iras al la akceptejo kaj mendas kvin teojn por sia ĉambro.
Reveninte tien, li diras la la kunloĝantoj: "Ĉu vi frenezas tiel petoli, la Sekreta Polico ja verŝajne subaŭskultas nin!"
Ili respondas: "Nin? Kial? Kiel vi scias?"
Li respondas: "Nu, ni faru teston." kaj laŭte vokas: "Kapitano, bv. sendi teon por ni!"
Post kelkaj minutoj servisto frapas ĉe la pordo kaj alportas la teon pli frue menditan. La kvar kunloĝantoj ektimas kaj tuj ĉesas ludi kaj iras dormi. Same povas finfine dormi la vojaĝanto.
Kiam li matene vekiĝas, la ĉambro estas malplena. Li demandas ĉe la akceptejo: "Kio okazis al la kvar aliaj?" - "La Sekreta Polico arestis ilin dum la frua mateno." - "Kaj kial oni ne arestis min?!" - "Al la kapitano plaĉis via ŝerco kun la teo!"
5.0000/5 (1 voĉo)
La Nigra humuro, Politiko

Politika taktiko

Registara proparolisto venas al la kanceliero kaj ministro por ekscii, kion ĝi diru baldaŭ al la amaskomunikiloj.
Ili respondas, ke ĝi anoncu altigon de la bazaj impostoj, malaltigon de la minimuma salajro, malpli fruan komenciĝon de pensiiĝoj, forigon de la protekto kontraŭ maldungigo, kaj specialan monkontribuon por homoj kun la ŝugrando 42.
Ĝi demandas konfuzite: "Kial homoj kun 42 devas pagi specialan imposton?"
"Ĉu mi ne diris?", ridetas al la ministro la kanceliero, "Neniu demandas pri la aliaj aferoj!"
5.0000/5 (2 voĉoj)
La Politiko

Distrumpetado

Renkontiĝas tri usonaj ĥirurgoj kaj sin gloras per siaj atingoj.
Diras la unua: Al unu mia paciento forhakiĝis sep fingroj, sed mi alkudris ilin kaj pasintsemajne li pianludis en la operdomo!
Elpaŝas la dua: Tio estas nenio! Unu mia paciento perdis en akcidento ĉiujn membrojn, sed mi operaciis lin kaj en la pasintaj olimpiaj ludoj li gajnis medalon en naĝado!
Ridas la tria: Vi diletantoj! Unu mia paciento estis vakero, kiu tute ebria rajdis rekte sub la radojn de kamiono. Restis nur lia pugo kaj la kolhararo de lia ĉevalo, sed mi ĉion kunkudris kaj de 2017 li estas nia prezidento!
4.3333/5 (3 voĉoj)
La Kuracistoj kaj pacientoj, Politiko

Radio Varsovio

Demando al Pola Radio: "Ĉu ĝustas, ke la pola parlamento hieraŭ unuanime rezoluciis favore al Esperanto?"

Respondo: "Jes, principe tio ĝustas. Sed ne estis hieraŭ, sed antaŭhieraŭ. Kaj ne estis unuanime, sed per 95%-a plimulto. Kaj ne estis favore, sed kondamne al E-o..."

Fonto

4.0000/5 (3 voĉoj)
La Esperantaj vortoj, Politiko

UEA-ĉefoj

Renato Corsetti transdonas la oficejon de UEA al Probal Daŝgupta. Post la formalaĵoj ili kunsidas kaj babilas. Iam Corsetti demandas: "Probalo, ĉu en via lando ekzistas multaj homoj, kiuj decide neniam lernus Esperanton?" - "Jes," respondas Daŝgupta, "mi eĉ taksus ilian nombron je minimume 500 milionoj!" - Respondas Corsetti: "Nu bone, pli-malpli tiom, kiom en Eŭropo."

Fonto

4.0000/5 (1 voĉo)
La Esperantaj vortoj, Politiko

Vortoj de kamarado Lanti

Estas la jaro 1937a. Okaze de la 50a datreveno de la Unua Libro antaŭ la centralo de S.A.T. oni volas starigi novan flagstangon (por verda flago, kompreneble). Du SAT-anoj do fosas truon, starigas la maston kaj kontentas pri ĉi ĉio. Krom ke pro la fosado restis iom da tero. Ĉar ili ne scias kion fari kun ĝi, ili fosas duan truon por enigi la teron tie. Sed denove poste restas troa tero. Do ili fosas trian truon ktp. Eŭgeno Lanti, kiu observis siajn subulojn dum longa tempo de sia oficejo, finfine ne plu eltenas: Li malfermas la fenestron kaj krias: "Kamaradoj, vi devas fosi pli profunde!"

Fonto

3.6667/5 (6 voĉoj)
La Esperantaj vortoj, Politiko

Putino

Kial usona prezidento havas rektan telefonlinion al Kremlo? Por ke ĝi povu rapide alvoki putinon.
3.8000/5 (5 voĉoj)
La Esperantaj vortoj, Naciecoj, Politiko

Ŝerco 366

Kio estas la malsamo inter bazlernejo kaj fortikaĵo de la Islama Ŝtato?

Mi ne scias, mi nur pilotas la droneojn.
4.7500/5 (8 voĉoj)
La Nigra humuro, Politiko

Terno

Stalin prelegas antaŭ membroj de la komunisma partio. Subite iu laŭte ternas.
Stalin severe demandas "Kiu ternis?" - Neniu diras ion.
Stalin kolere ordonas: "Mortpafu la tutan unuan seĝovicon!"
Poste li demandas: "Kiu ternis?" - Neniu respondas.
"Mortpafu la duan vicon!" li krias.
Poste li redemandas "Kiu ternis!?" - Maljunulo sin anoncas: "Ternis ja mi..."
Stalin diras: "Do sanon, kamarado!" kaj pluprelegas.
4.2500/5 (8 voĉoj)
La Politiko

Kiel ĝuste plenigi impost-deklaron

Al la demando " kiom da homoj vi prizorgas?" unu civitano skribis: "2,1 milionojn da kontraŭleĝaj enmigrintoj, 4,4 milionojn da senlaboruloj, 900 milojn da krimuloj en 85 malliberejoj, 650 idiotojn en la parlamento kaj la tutan Eŭropan Komisionon."
La administrejo resendis al li lian deklaron kun rimarko, ke liaj respondoj ne estas akcepteblaj.
Koncerna civitano respondis per la demando: "Kial? Ĉu iun mi forgesis?"
3.5000/5 (10 voĉoj)
La Politiko