Geedzeco | Ridejo

Ŝerco 1586

La edzino, leginte en jurnalo la priskribon de virinrabo:

- Mi volus vidi ke iu kuraĝus forporti min!

La edzo: - Ha, eĉ mi volus .

Fonto: Rido Sanigas

Ŝerco 1581

Ĉe la marbanejo, inter edzo kaj edzino:

Elizo, ĉu vi ne faras banon hodiaŭ?

La maro estas tro maltrankvila; ĝi forportus min.

Ho kiel ĝi pentus!

Fonto: Rido Sanigas

Ŝerco 1578

Inter edzo kaj edzino:

- "Antaŭ edziĝo ci diris ĉiam ke ci estis volinta manĝi min per avidaj kisoj."

- "Jes, sed nun mi pentas ne esti cin manĝinta."

Fonto: Rido Sanigas

En salono.

Sinjorino parolas pri sia aĝo:

Ĉu ne estas vere - ŝi diras al sia edzo - ke mi havas apenaŭ tridek jarojn ? Vi scias tion.

Jes. Kiel mi ne povas tion scii ? Estas jam tiom da jaroj, ke vi diras al mi tion!

Fonto: Rido Sanigas

Ŝerco 1564

Edzino: - Ĉu mi devas meti la butonojn kun diamantoj sur la antaŭaĵon de via ĉemizo?

Edzo: - Kiel malsaĝa! Ĉu vi volas ruinigi min? Ĉu vi ne scias, ke mi hodiaŭ havas kunsidon kun miaj kreditoroj?

Fonto: Rido Sanigas