Infanoj | Ridejo

„Rigardu tra la fenestro, ĉu ankoraŭ falas neĝo.“
„Neĝo ne plu, nun nur homoj.“

Fonto: Jozef Borský, 1111 anekdotoj en Esperanto

Patrino al Peĉjo: „Hodiaŭ vi tro kolerigis min. Mi diros tion vespere al la patro.“
Peĉjo: „Tiuj virinoj! Ili kapablas respekti neniun sekreton!“

Fonto: Jozef Borský, 1111 anekdotoj en Esperanto

Malgranda filineto demandas la patron: „Kial vi manĝas, kiam vi ne plu estos pli granda?“

Fonto: Jozef Borský, 1111 anekdotoj en Esperanto

Anja vizitis sian avinon en kamparo kaj vidis unuafoje fazanon. Ŝi demandas tre mirigite: „Avinjo, ĉu ĉe vi surhavas kokinoj kostumojn?

Fonto: Jozef Borský, 1111 anekdotoj en Esperanto

Patro: „Memoru, ke per bonkonduto en la vivo vi perdos nenion.“
Filo: „Nek lokon en tramo?“

Fonto: Jozef Borský, 1111 anekdotoj en Esperanto

En familio naskiĝis trinaskitoj. Trijara frateto demandas: „Ĉu ĉi tie restos ĉiuj, aŭ oni sendis ilin al ni, por ke ni elektu?“

Fonto: Jozef Borský, 1111 anekdotoj en Esperanto

„Franĉjo, kiam vi jam finfine komencos manĝi per manĝilaro?“
„En kiun manon mi poste ekprenus tranĉaĵon?“

Fonto: Jozef Borský, 1111 anekdotoj en Esperanto

Knabineto diras al sia frateto: „Mi preferus esti knabo ol knabino.“
„Do vi plendas malfrue! La patrino antaŭ nelonge finkudris por vi jupon.“

Fonto: Jozef Borský, 1111 anekdotoj en Esperanto

„Julia, vi devas jam lerni dormi sola! Ja vi jam estas sufiĉe aĝa.“
„Nu, panjo, vi estas eĉ pli aĝa kaj daŭre dormas kun paĉjo!“

Fonto: Jozef Borský, 1111 anekdotoj en Esperanto

„Ĉu via filo pripensas estontecon?“
„Daŭre. Ĉion li prokrastas por alia tago.“

Fonto: Jozef Borský, 1111 anekdotoj en Esperanto