Naciecoj | Ridejo

Skotoj

Du skotoj babilas:
- Imagu, naskiĝtago kaj eĉ nomtago de mia edzino estas en sama tago Kristnaske.
- Ba! Kia hazardo!
- Tio tute ne estas hazardo! Kion vi pensas, pro kio mi edziĝis ĝuste al ŝi?

Putino

Kial usona prezidento havas rektan telefonlinion al Kremlo? Por ke ĝi povu rapide alvoki putinon.

Irlandanoj

Kiom da terpomoj estas bezonataj por mortigi irlandanon?

0.

Koncentrejo

Du germanoj interparolas:
Mia avo mortis en nazia koncentrejo.
-Ho ve, ĉu li estis komunisto?
Ne, li ebria falis de gardoturo.

Ĉar la kato ekĝenis la portugalon, li decidis malaperigi ĝin. Unue, li metis la katon en sian aŭtomobilon, veturis dum dek minutoj tra la urbo kaj forlasis la katon. Tamen, kiam li alvenis hejmen, li vidas la katon antaŭ la pordo de la domo. Tre kolere, li metas denove la katon en la aŭtomobilon, sed ĉi-foje li veturis tra la tuta urbo dum unu horo. Vespere, li telefonas al sia edzino:
- Maria, estas mi: Manuel! Ĉu la kato revenis?
- Jes, ĝi estas ĉi tie.
- Do, donu la telefonon al la kato por ke ĝi instruu al mi kiel oni revenas hejmen!

Ŝerco 262

La portugala sciencisto konigas al la mondo:
- Mi ĵus inventis pilolon kiu sensoifigas onin.
- Sed, kiel ĝi funkcias?
- Simple: englutu ĝin kun glaso da akvo!

Piloto

Kiel oni nomas arabon, kiu pilotas aviadilon?

Piloto.

Kontraŭuloj de Esperanto

Renato Corsetti transdonas la oficejon de UEA al Probal Daŝgupta. Post la formalaĵoj ili kunsidas kaj babilas. Iam Corsetti demandas: "Probalo, ĉu en via lando ekzistas multaj homoj, kiuj decide neniam lernus Esperanton?" - "Jes," respondas Daŝgupta, "mi eĉ taksus ilian nombron je minimume 500 milionoj!" - Respondas Corsetti: "Nu bone, pli-malpli tiom, kiom en Eŭropo."

Vizito en lernejo

Rusa prezidanto vizitas unu el rusaj bazlernejoj. Estas planita ankaŭ tempo por demandoj de infanoj. Saŝa ekstaras kaj demandas:
- Sinjoro prezidanto, mi havas por vi tri demandojn:
1. Kial ni aneksis Krimeon?
2. Kial ni sendas rusajn soldatoj al Ukrainio?
3. Kiu mortigis Boris Nemcov?
Tiam aŭdeblas sonorilo, kiu anoncas paŭzon. Post la paŭzo infanoj revenas al la klasĉambro kaj ekstaras Dima:
- Sinjoro prezidanto, mi havas por vi kvin demandojn:
1. Kial ni aneksis Krimeon?
2. Kial ni sendas rusajn soldatojn al Ukrainio?
3. Kiu mortigis Boris Nemcov?
4. Kial la sonorilo sonoris 20 minutoj antaŭ la vera fino de la leciono?
5. Kie malaperis Saŝa?

Finna soldato

Jaro 1939, vintra milito. Granda divizio de sovetia armeo marŝas apud landlimo. Subite de malantaŭ malgranda monteto ili aŭdas voĉon:
- Unu finna soldato estas pli bona ol dek sovetiaj soldatoj!
La sovetia estro rapide elektas la dek plej bonajn soldatojn kaj sendas ilin malantaŭ la monteton. Post momento aŭdeblas sonoj de pafiloj kaj iĝas silento.
Voĉo denove aŭdeblas:
- Unu finna soldato estas pli bona ol cent sovetiaj soldatoj!
La kolera sovetia estro rapide vokas la cent plej bonajn soldatojn kaj sendas ilin malantaŭ la monteton. Aŭdeblas pafsonoj kaj post 10 minutoj denove iĝas silento.
Trankvila voĉo aŭdeblas denove:
- Unu finna soldato estas pli bona ol mil sovetiaj soldatoj!
La kolerega sovetia estro sendas mil soldatoj malantaŭ la monteton. Pafiloj pafas, eksplodas grenadoj, flugas raketoj… kaj denove ĉio silentiĝas.
Finfine unu tre vundita sovetia soldato sukcesas alrampi reen al estro. Mortante, li diras lastajn vortojn:
- Ne sendu plu niajn soldatojn… Tio estas kaptilo… Ili estas DUOPE…