Sekso | Ridejo

Surprizo dum seksumado

Dum seksumado, onin povas surprizi pluraj aferoj...
Kiam oni estas 15-jara, onin povas surprizi gepatroj.
Kiam oni estas 35-jara, onin povas surprizi infanoj.
Kiam oni estas 65-jara, onin povas surprizi koratako.

Fonto: iu televida ŝercprogramo

Bedaŭroj de kuracisto

Kuracisto parolas kun amiko.
- Mi tiom hontas, mi seksumis kun unu el miaj pacientoj...
- Hej, ne tiom gravas, ĉiu kuracisto certe jam faris tion!
- Sed mi estas bestkuracisto...

Malfruulo

-Ho, mi havis merdan tagon!
#Kio okazis?
-Mia biero glaciiĝis, mia pico bruldifektiĝis, kaj mia amikino estas graveda!
#Kara, vi vere devas lerni ĉion eltiri ĝustatempe!

Nekontento

Telefona interparolo de paro:

-Ĉu vi havas apetiton je kokaĵo?
#Ne
-Ĉu vi havas apetiton je kareaĵo?
#Ne
-Vi ne estos kontenta rilate tion, kion mi faris!
#Ho, ĉu vi do kuiris kokan kareaĵon?
-Ne, mi fikis la najbarinon.

Semaforismo XXX

"Frapu antaŭ ol eniri!" estas principo de boneduko. Jes, sed nur se temas pri pordo.

Fonto: SCHWARTZ, Raymond ; ... Kun siaspeca spico!

Vortokresko

Por oportuna kuŝo - unu lito.
De kuŝo ĝis "akuŝo" - unu litero.
Akuŝo: ofta konsekvenco de - unu literaro.

Fonto: SCHWARTZ, Raymond ; ... Kun siaspeca spico!

Progreso

Adamo kaj Evo estis solaj sur la Tero. Kaj tamen, unu tagon - neniu scias, de kie - venis tria homo. Li estis viro. Videble. Kaj li diris al Adamo:
"Mi tre dezirus pasigi unu duonhoron kun via edzino. Ĉu vi bonvolas doni ŝin al mi?"
"Doni?" miris Adamo. "Doni? Certe ne! Sed, se temas nur pri unu duonhoro, vi povas lui ŝin."
"Lui ŝin? Jen bona ideo!" ekĝojis la tria homo, kaj kun plezuro li konstatis:
"Kiel simple kaj senkonflikte! Jam komenciĝis la progreso!"
"Jes", konkludis Adamo, "progreso dank' al... Evoluo!"

Fonto: SCHWARTZ, Raymond ; ... Kun siaspeca spico!

Koratakoj kaj nutrado

En Japanio, kie oni konsumas malmulte da graso, la nombro de la koratakoj estas pli malgranda ol en Anglio kaj en Usono. Aliflanke en Francio, kie oni konsumas sufiĉe multe da graso, la nombro de la koratakoj estas same pli malgranda ol en Anglio kaj en Usono.
En Barato, kie oni apenaǔ trinkas iom da ruĝa vino, la nombro de la koratakoj estas pli malgranda ol en Anglio kaj en Usono. En Hispanio, kie oni trinkas sufiĉe multe da ruĝa vino kaj manĝas multe da paprikitaj kolbasoj, la nombro de la koratakoj estas same pli malgranda ol en Anglio kaj en Usono.
En Alĝerio, kie oni apenaǔ amoras, la nombro de la koratakoj estas pli malgranda ol en Anglio kaj en Usono. En Brazilo, kie oni multe amoras, la nombro de la koratakoj estas same pli malgranda ol en Anglio kaj en Usono.
KONKLUDO: Manĝu, drinku kaj amoru laǔplaĉe, ĉar ŝajne tio, kio mortigas, estas la angla lingvo mem.

Fonto: Esperantista Vegetarano, n-ro 1, 2009. El la hungara tradukis: Imre SZABÓ

Sub T-ĉemizo

* knabo: Vi havas belan T-ĉemizon!
- knabino: Dankon! Kaj sub ĝi mi havas nenion ;-)
* Ne timu, tio ankoraŭ kreskos!

Fonto: Zvolensko

La bona rano

Virino venas en bestovendejon, serĉante donacon por sia edzo. La vendisto proponas al ŝi sufiĉe grandan ranon.
Ŝi demandas: "Kion mia edzo faru kun malbela rano?"
La vendisto respondas: "Sincere, tio estas speciala rana specio. Ili povas midzi tiel, ke ĉiu viro pro plezuro preskaŭ freneziĝas."
Ĉar la virino mem ne ŝatas midzi, ŝi opinias tion bona donaco kaj aĉetas la ranon. Unu semajnon post la naskiĝtagdatreveno de la edzo, ŝi vekiĝas nokte pro bruo en la kuirejo. Ŝi atente iras tien kaj trovas en la kuirejo sian edzon, kiu rigardas kun la rano sur la mano kuirlibron.
"Kion vi faras ĉi tie meze de la nokto", ŝi demandas.
La viro respondas "Ne ĝenu nin. Se Ranjo lernos kuiri, vi povos paki viajn aĵojn kaj forfikiĝi!"