Tajpu per la X-metodo kaj la ĉapeloj aŭtomate aperos.

Plej bonaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

Ŝerco 262

La portugala sciencisto konigas al la mondo:
- Mi ĵus inventis pilolon kiu sensoifigas onin.
- Sed, kiel ĝi funkcias?
- Simple: englutu ĝin kun glaso da akvo!

Kontraŭuloj de Esperanto

Renato Corsetti transdonas la oficejon de UEA al Probal Daŝgupta. Post la formalaĵoj ili kunsidas kaj babilas. Iam Corsetti demandas: "Probalo, ĉu en via lando ekzistas multaj homoj, kiuj decide neniam lernus Esperanton?" - "Jes," respondas Daŝgupta, "mi eĉ taksus ilian nombron je minimume 500 milionoj!" - Respondas Corsetti: "Nu bone, pli-malpli tiom, kiom en Eŭropo."

Edzinoj

Tri virinoj mortas kaj iras al paradizo, Sankta Petro ilin rigardas kaj diras: «kiu inter vi kokris propan edzon levu la manon?». Nur du manoj leviĝis, do Sankta Petro diras: ĉiuj tri al la purgatorio, ankaŭ la surdulino!!

Bildo 1720

Punkto G

Du amikoj:
- Mi serĉis punkton G.
- Ĉu vi trovis ĝin?
- Jes, fratino de mia edzino havas ĝin...

Chuck kaj triangulo

La Bermuda Triangulo estis origine kvadrato, ĝis Chuck Norris forbatis unu el la anguloj.

Ŝerco 1701

Ĉirkaŭ mi estas nur bestoj. Noa.

Ŝerco 1454

Oni demandas meteorologon: „Ĉu vi povas diri al ni ion plezurigan?“
„Jes, en bufedo oni havas mandarinojn.“

Fonto: Jozef Borský, 1111 anekdotoj en Esperanto

Ŝerco 927

„Paĉjo, kial tiu aglo tiel longtempe rondflugas sur unu loko?“
„Mi ne scias, verŝajne jam mankas al ĝi benzino.“

Fonto: Jozef Borský, 1111 anekdotoj en Esperanto

Ŝerco 917

Patro: „Memoru, ke per bonkonduto en la vivo vi perdos nenion.“
Filo: „Nek lokon en tramo?“

Fonto: Jozef Borský, 1111 anekdotoj en Esperanto