Lastaj ŝercoj

En familio

- Mi estas lesbanino - diras filino al patro.
- Bone.
- Ankaŭ mi estas lesbanino - diras la dua filino.
- Damne, ĉu vere en tiu familio neniu ŝatas penisojn? - demandas la patro.
Silento.
- Mi ŝatas... - diras la filo.

Pantalono

Ĉe kuracisto-proktologo:
- Bonvolu senvestiĝi, ni komencos ekzamenon de prostato.
- Kie mi povas meti mian pantalonon?
- Sur seĝo, apud mia pantalono.

Tragiko

Ĉiu pano estas tragika historio de grajno, kiu povus iĝi biero, sed tiel ne okazis.

Sankta Nikolao

- Kia estas diferenco inter Sankta Nikolao kaj pastro?
- Infano sur genuoj de Sankta Nikolao estas vestita.

Teo

- Patrino, mi preparis por vi teon, kiel vi petis.
- Mi petis vin, ke vi finu universitaton.
- Ho, pardonu, mi miksis.

Koŝmaro

Lacigita paciento plendas al psikologo:
- Ekde monatoj mi havas teruran koŝmaron. Mi ĉiam sonĝas, ke iu sekvas min.
- Kaj kia estas via profesio?
- Mi estas montara gvidisto.

Monstroj

Paciento pensis, ke sub lia lito estas monstroj. Post multaj sesio kun sia psikoterapiisto, li rezignis, ĉar ili entute ne helpis. Post iom da tempo la paciento kaj la psikoterapiisto renkontiĝas surstrate:
- Vi eĉ ne imagas, kiel bone mi sentas min. Mi iris al alia terapiisto kaj li kuracis min dum unu sesio.
- Kiel li tion faris?
- Li diris, ke mi devas fortranĉi la piedojn de mia lito.

Sango

Paciento estas certa, ke li estas morta. Ĉiuj provoj de psikiatro konvinki lin, ke li plu vivas, restas sensukcesaj. Finfine psikiatro senespere demandas:
- Ĉu en kadavroj cirkulas sango?
- Kompreneble, ke ne.
Psikiatro prenas kudrilon kaj pikas pacieton. Aperas guto de sango.
Psikiatro:
- Kaj kion nun vi diros?
Paciento:
- Mi eraris. En kadavroj cirkulas sango.

Duŝo

Mateno. Edzo kun postebrio kaj ofendita edzino sidas komune ĉe tablo. Morna silento. Finfine edzino krias:
- Hieraŭ vi revenis tute ebria!
- Mi? Mi ne estis tiom ebria.
- Ne? Do kiu hieraŭ petis sur genuoj duŝon en banĉambro por ke ĝi ĉesu plori?

Neĝo

- Kion la plej unue lernas eta eskimo?
- Ne manĝi flavan neĝon.