Plej bonaj tekstaj ŝercoj

Li kaj ŝi

En aŭtobuso sidas du homoj. Li kaj ŝi. Ŝi rigardis lin, li rigardis ŝin.
- Komputisto (pensis studentino).
- Studentino (pensis senhejmulo).

Dolorigaj ŝuoj

Mi malamas ŝuojn. Ĉiam, kiam mi vekiĝas surhavante ilin, tutan tagon doloras mia kapo.

Ulo venas en preĝejon kaj diras al la paroĥestro: "Mi ŝatus rekviemon por mia hundo."
"Tio ne eblas. Provu tion ĉe iu sekto."
"Ĉu vi pensas, ke tie sufiĉos 500 EUR?"
"Dio mia, vi tuj povis diri, ke la hundeto estis katoliko!"

Taŭga ŝtatprezidento

Kial ruslanda prezidento Jelcin forlasis sian postenon?
- Ĉar li nun havas putinon!

Fonto: Vikipedio

Neĝo

- Kion la plej unue lernas eta eskimo?
- Ne manĝi flavan neĝon.

Koŝmaro

Lacigita paciento plendas al psikologo:
- Ekde monatoj mi havas teruran koŝmaron. Mi ĉiam sonĝas, ke iu sekvas min.
- Kaj kia estas via profesio?
- Mi estas montara gvidisto.

Ŝerco 1589

Oni diras ke la vino plifortikigas - grumblas drinkulo.

- Mi trinkis jam de ĝi tri litrojn, kaj mi ne povas stari.

Fonto: Rido Sanigas

Ŝerco 1539

Sinjoron N. mordis rabia hundo. Li revenis de kuracisto, kuŝiĝis en liton kaj komencis skribi.
La edzino: „Ĉu vi skribas testamenton?“
„Ne, liston de nomoj, kiujn mi mordos, se serumo ne efikos.“

Fonto: Jozef Borský, 1111 anekdotoj en Esperanto

Ŝerco 1444

Patro riparas akvovarmigan provizujon en kelo kaj vokas al la filo supren:
„Ĉu jam fluas varma akvo?“
„Jes, ĝi fluas, sed ĝi estas malvarma.“

Fonto: Jozef Borský, 1111 anekdotoj en Esperanto

Ŝerco 1228

Avino falas el kvara etaĝo. Sube amasiĝas ĉirkaŭ ŝi multaj homoj. Venas ŝia nepo kaj demandas: „Avino, kio okazis?“
Avino: „Mi ne scias, mi ĵus alvenis.“

Fonto: Jozef Borský, 1111 anekdotoj en Esperanto