Plej bonaj tekstaj ŝercoj

Kialo por geedziĝo

Virino edziniĝas esperante, ke la viron ŝi ŝanĝos. Sed la viron ŝi ne ŝanĝos.
Viro edziĝas esperante, ke la virino ne ŝanĝiĝos. Sed la virino ŝanĝiĝos.

Ŝerco 423

"Ĉu vi diras ion al via edzo post la ĵus travivita seksumado?", demandas unu edzino la alian. "Ne, ĉar mia edzo ne ŝatas, kiam mi vokas lin al la laborejo", respondas la demandita.

Frenezaj virinoj

Kial ĉiuj virinoj estas frenezaj?
- Ĉar ili havas mens-truojn!

Fonto: Vikipedio

Titaniko

- Kial ĉefrolon en filmo "Titaniko" ricevis Leonardo DiCaprio?
- Ĉar Bruce Willis savus ĉiujn.

Libereco

Dum proceso juĝisto demandas akuzitan viron:
- Kial vi forkuris de malliberejo?
- Ĉar mi volis edziniĝi.
- Nu, do vi havas strangan imagon de libereco.

Malbona novaĵo

Kuracisto diras al viro: "Mi havas malbonan novaĵon por vi. Vi baldaŭ mortos."
"Ho ve! Do kiom da tempo mi ankoraŭ vivos?"
"Dek."
"Dek? Dek da kio? Ĉu jaroj, ĉu monatoj?"
"Naŭ..."

Volo de viroj kaj virinoj

Virino volas ĉiujn aferojn de unu viro.
Viro volas unu aferon de ĉiuj virinoj.

Amikoj kaj neĝflokoj

Amikoj estas kiel neĝflokoj.
Se vi pisas al ili, ili malaperos.

Volapukisto, Esperantisto kaj Idisto amuziĝas per mensogodetektilo. Unue la Volapukisto:

- Mi pensas ke mi povas plene ĝuste konjugacii la Volapukajn verbojn
BIP
- Do, almenaŭ mi scias bone la sonojn de la vokaloj.
Ĝi ne reagas.

La Esperantisto sekvas:
- Mi pensas ke mi neniam forgesas la akuzativon.
BIP
- Nu, mi pensas ke mi kapablus trapasi la C1-KER-ekzamenon.
Neniu sono.

Jen la Idisto:
- Mi pensas...
BIP

Ŝerco 133

Saluton!
mi ĵus survojas al vi kaj kiam mi jam atingos vin, certe ni finos en lito. Mi promesas ke vi ŝvitegos pro tio kion mi faros al vi.
via gripo