Lastaj tekstaj ŝercoj

Ŝerco 80

- Kuniklo, kial vi havas tiom mallongajn orelojn?
- Ĉar mi estas romantika.
- Mi ne komprenas.
- Hieraŭ mi sidis sur herbejo kaj mi aŭskultis kantantan birdeton. Tiel mi aŭskultis, ke mi ne rimarkis gazontondilon.

Vesperto

- Kio estas la plej malbona por dormanta vesperto?
- Lakso.

Amo

Staras nuda viro malantaŭ spegulo kaj longe rigardas sin. Longe ne razita, laca vizaĝo, dika ventro, ruĝaj okuloj pro drinkado. Poste li direktas rigardon al angulo de la spegulo, kie videblas belega juna knabino kuŝanta sur lito.
Viro ankoraŭ foje rigardas sin mem kaj diras:
- Kiel eblas ĝis tia grado ami monon...

Bopatrino

Vokas telefono kaj viro aŭdas:
- Ni havas vian bopatrinon. Vi devas pagi 100 mil eŭrojn.
- Kaj kio se mi ne pagos?
- Ni klonos ŝin.

Kanibaloj

Du kanibaloj, patro kaj filo, ĉasas kaj renkontas belegan virinon. Filo diras:
- Paĉjo, paĉjo, ni manĝu ŝin!
- Ne, filo. Ni prenu ŝin hejmen kaj manĝu vian patrinon.

Ŝerco 75

Du kolegoj en laborejo:
- Ĉu vi parolas kun via edzino post seksumado?
- Se ŝi telefonos, do kial ne?

Vitroj

Parolas du kolegoj:
- Mi aŭdis onidirojn, ke eblas aĉeti vitrojn, dank' al kiuj ĉio aspektas pli bele, eĉ propra edzino.
- Ho, mi konas ilin de jaroj. Ili estas bonaj, sed vi ĉiam devas ilin plenigi.

Honesto

Knabo demandas knabinon:
- Ĉu iu iam diris al vi, ke vi estas bela?
La knabino ruĝiĝante diras:
- Ne…
- Nu, vidu kiel ĉiuj estas honestaj - konstatas la knabo.

Vodka efiko

Sidas du drinkemuloj, drinkas vodkon kaj laŭtlegas gazeton:
- Oni skribas, ke drinkado de alkoholo malplilongigas vivon je duono. Kiom da jaroj vi havas Johano?
- 30.
- Nu, vidu. Se vi ne drinkus, vi havus nun 60.

Klarvidulo

Klarvidulo diras al viro:
- Vi estas patro de du infanoj.
- Ĉu vi certas? - ridas viro kaj klarigas:
- Mi estas patro de tri infanoj.
- Ĉu vi certas? - ridas klarvidulo.