Kuracistoj kaj pacientoj

Ŝerco 1881

Chuck Norris neniam havos kanceron, ĉar la kancero scias, ke tiam Chuck Norris batalos kontraŭ ĝi kaj la kancero scias ankaŭ kiel finiĝos tia batalo...

Maljunulo kuŝante sur la operacitablo alparolas la kuraciston, kiu estas lia bofilo:
-Atentegu dum la operacio, ĉar se io malbone sukcesos, kaj Dio ne donu mi mortos, tiam via bopatrino iĝos solulino, verŝajne ŝi transloĝiĝos al vi.

Fonto: NATURISTA VIVO N-ro 121 (1/2016)

Ŝerco 1834

– Diru, sinjoro Kukurbo, kial estas tiel ruĝa via kapo kaj ŝvelinta via gorĝo?
– Tre doloras la gorĝo la ĉevalon.
– Nu, kaj?
– La veterinaro preskribis duonpoteton da pulvoro. Li donis ankaŭ gumtubon por meti ĝin en la buŝon de la ĉevalo, kaj tra ĝi mi blovu la pulvoron en la gorĝon de la ĉevalo.
– Nu, kaj?
– Antaŭ ol mi, blovis la ĉevalo!

Fonto: Esperantista Vegetarano, n-ro 1, 2011. Esperantigis: Imre SZABÓ

Sendoloriga dentkuracisto

Malgranda knabo post vizito al sendoloriga dentkuracisto raportis al siaj kamaradoj:
„Estas nur mensogo, ke li estas sendolora. Li enmetis siajn fingrojn en mian buŝon, kaj kiam mi mordis lin, li kriegis same kiel ĉiuj aliaj!”

Fonto: Esperantista Vegetarano, 2007. Verkis Bob FELBY

Vera rakonto el radioelsendo

En radioelsendo, ĵurnalisto faras demandon al komikisto duon-nigra:
- Tutcerte, dank' al via sukceso, vi povis eliri el viaj socialaj kondiĉoj, ĉu ne?
- Ho jes, mi eskapis iĝi kuracisto... kiel mia patro, aŭ kiel miaj fratoj, kiuj ankaŭ estas kuracistoj kaj iu eĉ kirurgo!

Fonto: La KancerKliniko n° 141

Kiel bebo

Paciento: "Sinjoro kuracisto, mi havas lin kiel bebo."
Kuracisto: "Do, ni rigardu. Bonvolu senvestiĝu… Nu, vere, kiel bebo: 50 cm kaj 3 kg!"

Vizito ĉe urologo IV

Urologo diras al sia paciento:
-Vi devas nepre ĉesi sinmasturbi.
-Kial?
-Ĉar tiel mi ne povas ekzameni vin!

Ulo ĉe seksologiistino

Venas ulo al seksologiistino kaj demandas: "Ĉu vi akceptas ĉi-tiun karton?"
"Montru… Jes, tio estas karto de via medicina asekuro. Kion mi povas fari por vi?"
"Mi ne povas atingi erekton."
"Bone, senvestiĝu kaj ni rigardu."
Ŝi sperte umas kun lia peniso kaj ĝi tuj erektiĝas.
Li diras: "Pardonu, mi mise priskribis tion. Fakte mi ne povas atingi orgasmon."
Do ŝi denove umas kun la peniso kaj la ulo baldaŭ orgasmas.
Ŝi: "Kion ĉi-tio signifas?! Vi tuj povus seksumi kun ĉiuj putinoj el la amor-strateto!"
"Sed tie oni ne akceptas ĉi-tiun karton…"

Sanproblemoj de bestoj

Renkontiĝas du hundoj:
"Kien vi iras?"
"Al kuracisto kun puloj."
"Strange. Mi havas pulojn kelkajn jarojn kaj ili neniam estis malsanaj."

Paciento ĉe psikologo

Paciento: La homoj min ignoradas, mi sentas min kvazaŭ nevidebla.
Psikologo: Hu? Kiu ĵus diris tion?!