Scienco | Ridejo

skatolo da Nenio®

Jen Nenio® – nun en Esperanto! Usonaj sciencistoj evoluigis komponaĵon enhavantan eĉ 100% nenion! Eĉ 60 tablojdoj en pakaĵo, ĉiu plenigita per absolute nenio.

Nenio® - ĉar malpli eblas!

Viruso

Se Esperanto komencus disvastiĝi kiel viruso, esperantistoj tuj trovus vakcinon.

Tri matematikistoj kaj tri fizikistoj venas en trajnon por veturi al alia urbo por konferenco. Ili kunvenas antaŭ la kasejo ĉe la stacidomo. La unua estas la ĉefo de fizikistoj kaj li, kiel ĉiuj normalaj homoj, aĉetas po bileton por unu persono. Sed la matematikistoj aĉetas unu bileton por ĉiuj.

- Kial do? - la fizikistoj estis surprizitaj - Finfine, en la trajno estas kontrolisto, vi estos elpelitaj sen biletoj!

- Ne zorgu pri tio, - respondis la matematikistoj - Ni havas METODON.

Antaŭ ol la trajno ekiris, la fizikistoj sidis en la vagono, kaj provis observi aplikon de la mistera metodo. La matematikistoj ĉiuj lokiĝis en la necesejo. Kiam la kontrolisto venis al la necesejo kaj frapis, la pordo iom fermiĝis, kaj mano kun bileto montriĝis de tie. La kontrolisto prenis la bileton kaj foriris, kaj post tiam ĉiuj matematikistoj revenis al la sidlokoj sen problemoj.

Post la konferenco, la kolegoj denove renkontiĝas ĉe la stacio. La fizikistoj, inspiritaj de la ekzemplo de la matematikistoj, aĉetis unu bileton. La matematikistoj ne aĉetis entute.

- Kion do vi montros al la kontrolisto? - demandis la fizikistoj.

- Ni havas METODON.

En la trajno, la fizikistoj eniĝis en unu necesejon, kaj la matematikistoj en alian. Poste unu el la matematikistoj alproksimiĝis al la necesejo, kie la fizikistoj kaŝiĝis.

Li frapis. Mano aperis kun la bileto. La matematikisto forprenis la bileton kaj revenis al la kolegoj en la alian necesejon.

Resumo: Vi ne povas uzi matematikajn metodojn sen plene kompreni ilin!

Koratakoj kaj nutrado

En Japanio, kie oni konsumas malmulte da graso, la nombro de la koratakoj estas pli malgranda ol en Anglio kaj en Usono. Aliflanke en Francio, kie oni konsumas sufiĉe multe da graso, la nombro de la koratakoj estas same pli malgranda ol en Anglio kaj en Usono.
En Barato, kie oni apenaǔ trinkas iom da ruĝa vino, la nombro de la koratakoj estas pli malgranda ol en Anglio kaj en Usono. En Hispanio, kie oni trinkas sufiĉe multe da ruĝa vino kaj manĝas multe da paprikitaj kolbasoj, la nombro de la koratakoj estas same pli malgranda ol en Anglio kaj en Usono.
En Alĝerio, kie oni apenaǔ amoras, la nombro de la koratakoj estas pli malgranda ol en Anglio kaj en Usono. En Brazilo, kie oni multe amoras, la nombro de la koratakoj estas same pli malgranda ol en Anglio kaj en Usono.
KONKLUDO: Manĝu, drinku kaj amoru laǔplaĉe, ĉar ŝajne tio, kio mortigas, estas la angla lingvo mem.

Fonto: Esperantista Vegetarano, n-ro 1, 2009. El la hungara tradukis: Imre SZABÓ

Gazetara komuniko

Dum hieraŭa gazetara konferenco prezentis Calvin Rickson, tekstila inĝeniero kaj esploristo el Universitato de Oksfordo, sian novan inventon.
Li proponis mamzonon, kiu malebligas al mamoj balanciĝi el flanko al flanko aŭ supren-malsupren.
Ĝi eĉ malebligas, ke mampintoj videblu, kiam temperaturo malaltiĝas aŭ kiam teksaĵo malsekiĝas.
Dum paŭzo iuj ĉeestantaj ĵurnalistoj invitis lin en korton kaj rompis lian buŝaĉon.

Televido

NCC-1701 kontraŭ Stelaj Militoj

Kio okazas, se Imperiaj sturmsoldatoj kaj ruĝĉemizuloj de Enterprise renkontiĝas en batalo?
La sturmsoldatoj ĉiam maltrafas, sed la ruĝĉemizuloj tamen mortiĝas.

Ŝerco 1700

Nov-Zelandaj sciencistoj inventis novan rimedon kontraŭ malsato. Ĝi fabrikiĝas tablojde kaj konsistas el specifaj herboj kun aldono de viand-farunaj ingrediencoj. La pezo de unu tia tablojdo estas kilogramo kaj duono.

Ŝerco 1698

Laŭ la rezultoj de la lasta Ret-enketo 100 procentoj da rusianoj uzas la Reton.

Ŝerco 1696

Biero estas la grandega inventaĵo de la homaro. Rado, kompreneble, ankaŭ
estas nemalbona, sed rado kun sunsekigita fiŝo estas malpli bongusta.