Stultaj ŝercoj

Pianoseĝo

Iu viro eniris vendejon kaj aĉetis pianoseĝon. Kelkajn tagojn poste li, portante la seĝon, revenis dirante: “Mi turnis tiun seĝon sennombrajn fojojn, sed eĉ ne unu sono elvenas el ĝi!”

Fonto: Esperantista Vegetarano, 2008. Verkis: Bob FELBY

Ĉe doganejo

„Ĉu avo malbonhumoriĝis, kiam la doganistoj senvestigis lin serĉante drogojn en la doganejo?”
„Tute ne, ili trovis liajn okulvitrojn, kiuj mankis al li dum semajnoj!”

Fonto: Esperantista Vegetarano, 2007. Verkis Bob FELBY

Tortoj

A: Kiaspeca torto estas tiu ĉi?
B: Mi ne scias. Je kio ĝi gustas?
A: Ĝi gustas je gluo.
B: Do, ĝi estas pomtorto. Tiu kiu gustas je sapo estas la pruntorto.

Fonto: Esperantista Vegetarano, n-ro 1, 2018. Esperantigis Luiza CAROL

Virino venas en bestovendejon, serĉante donacon por sia edzo. La vendisto proponas al ŝi sufiĉe grandan ranon.
Ŝi demandas: "Kion mia edzo faru kun malbela rano?"
La vendisto respondas: "Sincere, tio estas speciala rana specio. Ili povas midzi tiel, ke ĉiu viro pro plezuro preskaŭ freneziĝas."
Ĉar la virino mem ne ŝatas midzi, ŝi opinias tion bona donaco kaj aĉetas la ranon. Unu semajnon post la naskiĝtagdatreveno de la edzo, ŝi vekiĝas nokte pro bruo en la kuirejo. Ŝi atente iras tien kaj trovas en la kuirejo sian edzon, kiu rigardas kun la rano sur la mano kuirlibron.
"Kion vi faras ĉi tie meze de la nokto", ŝi demandas.
La viro respondas "Ne ĝenu nin. Se Ranjo lernos kuiri, vi povos paki viajn aĵojn kaj forfikiĝi!"

Du gastoj en drinkejo

Gasto en drinkejo demandas gaston apude sidantan:
-Ĉu vin ĝenos, se mi fumos?
-Ne, laŭ mi vi povas eĉ bruli!

NCC-1701 kontraŭ Stelaj Militoj

Kio okazas, se Imperiaj sturmsoldatoj kaj ruĝĉemizuloj de Enterprise renkontiĝas en batalo?
La sturmsoldatoj ĉiam maltrafas, sed la ruĝĉemizuloj tamen mortiĝas.

Ŝerco 1701

Ĉirkaŭ mi estas nur bestoj. Noa.

Ŝerco 1700

Nov-Zelandaj sciencistoj inventis novan rimedon kontraŭ malsato. Ĝi fabrikiĝas tablojde kaj konsistas el specifaj herboj kun aldono de viand-farunaj ingrediencoj. La pezo de unu tia tablojdo estas kilogramo kaj duono.

Ŝerco 1698

Laŭ la rezultoj de la lasta Ret-enketo 100 procentoj da rusianoj uzas la Reton.

Ŝerco 1697

Ni ne bezonas fremdan, sed la propran tuton ni prenos, kies ajn ĝi estu!