Stultaj ŝercoj

Ŝerco 1697

Ni ne bezonas fremdan, sed la propran tuton ni prenos, kies ajn ĝi estu!

Ŝerco 1696

Biero estas la grandega inventaĵo de la homaro. Rado, kompreneble, ankaŭ
estas nemalbona, sed rado kun sunsekigita fiŝo estas malpli bongusta.

Ŝerco 1694

Kaŭze de nepardonebla fuŝeco de oficistoj de la muzeo "Ermitaĝo" la bildo "Nigra kvadrato" de Kazimir Maleviĉ dum du monatoj estis pendanta la supron malsupren.

Intima interparolado

Interparolas du amikinoj:
-Ĉu vi fumadas post la seksumado?
-Ne, mi ĉiam uzas sufiĉe la lubrikaĵo.

Matena surprizo

Papernoto sur tablo:
La matenmanĝon vi havas en la lavmaŝino.
Mi iris al psiĥiatro.
Panjo

Fonto: Zvolensko

Ŝerco 1622

Kio ekestos per pariĝo de erinaco kun lumbriko?
Pikdrato.

Fonto: Zvolensko

Avino kaj ŝia juna nepo sidas ĉe nudista plaĝo. La infano plendas kaj opinias ĉiujn ludo-proponojn de la avino neinteresaj.
Fine ĝi diras: Avineto, nun mi havas ideon, ĉu mi ne povus ludi per viaj mamoj?
Ŝi respondas: Nu bone, ekludu, sed ne foriru tro malproksime!

La mensogodetektilo

Volapukisto, Esperantisto kaj Idisto amuziĝas per mensogodetektilo. Unue la Volapukisto:

- Mi pensas ke mi povas plene ĝuste konjugacii la Volapukajn verbojn
BIP
- Do, almenaŭ mi scias bone la sonojn de la vokaloj.
Ĝi ne reagas.

La Esperantisto sekvas:
- Mi pensas ke mi neniam forgesas la akuzativon.
BIP
- Nu, mi pensas ke mi kapablus trapasi la C1-KER-ekzamenon.
Neniu sono.

Jen la Idisto:
- Mi pensas...
BIP

Ŝerco 1583

- Kial oni metas la enbuŝaĵon al la ĉevalo?

- Por igi ĝin obeema.

- Ne.

- Kial do?

- Car ĝi mem ne povas meti ĝin al si.

Fonto: Rido Sanigas

La bovino Gerda

Al riĉa terposedanto dum komerca vojaĝo telefonas ties ĉefservisto:
Saluton, jen via servisto. -
Ĉu io okazis, kial vi telefonas? -
Jes, mortis la bovino Gerda. Vi scias, tiu kun la helbrunaj makuloj, kiu ĉiam tiel gaje blekis dum la melkado. -
Kio? Mi posedas 5000 bovojn, unu pli aŭ malpli vere ne gravas, telefonu al mi nur en urĝaj okazoj! -
Bone, do adiaŭ. -
Momenton, nur pro scivolemo: Kial tiu bovo mortis? -
Nu, la tegmento de la fojnejo falis sur ĝin, kaj tio estas tro peza. -
Kio? Kial la tegmento falis? -
Nu, la fojnejo forbrulis, kaj sen la muroj kompreneble la tegmento ne povis sin teni. Malbonŝanco, por Gerda. -
Damne, kial la fojnejo entute brulis? -
Nu, ĝi ekbrulis pro la multaj fajreroj de via biendomo, kiam tiu forbrulis. -
MIA DOMO? Kial ĝi brulis? -
Nu, via filo stumblis sur la ŝtuparo, rompante al si ambaŭ brakojn, kaj dum tio renversis kandelingon, kiu bruligis la kurtenon. Tiel komenciĝis la malfeliĉo por Gerda. -
FEK', kial entute estis kandeloj anstataŭ ordinara lumo? -
Nu, ni volis ja havi solenan etoson por la entombigo de via edzino!